នៅថ្ងៃនេះវិរៈបុរសរបស់ក្លឹប Barcelona លោក Rivaldo បានលើកឡើងថាកំពូលខ្សែប្រយុទ្ធ Lionel Messi នឹងអាចបន្ថយកំដៅ និងភាពតានតឹងរបស់គាត់ជាមួយនឹងក្លឹបឡើងវិញប្រសិនបើ Pep នឹងអាចវិលត្រឡប់មកធ្វើការងារជាមួយគ្នាសាជាថ្មី។
មួយរយៈនេះគេជឿជាក់ថា កីឡាករឆ្នើមរបស់អាហ្សង់ទីនរូបនេះ កំពុងមានអារម្មណ៍ស្ត្រេសខ្លាំងឡើងជាមួយនឹងក្លឹប ដែលធ្លាប់រស់នៅតាំងតែពីក្មេងរបស់គាត់ ហើយបញ្ហាទាំងនោះនៅតែបន្តកើតមានឡើងទាំងនៅផ្ទៃខាងក្នុង ជាមួយនឹងក្លឹបផង និងខាងក្រៅផង។
គេជឿជាក់ដែរថា Messi ចាប់ផ្តើមអាក់អន់ចិត្តចាប់តាំងតែពីមានការបណ្តេញចេញលោក Valverde ពីក្លឹបកាលពីខែមករាកន្លងមកផង មិនពេញចិត្តអំពីទំរង់លេងរបស់ក្លឹបបច្ចុប្បន្នផង និងមិនសប្បាយចិត្ត ជាមួយនឹងក្រុមគណកម្មការប្រធានក្លឹប អំពីព័ត៌មានបែកធ្លាយកន្លងផង៕
ប្រែសម្រួល៖ Lee
