ក្រុម Leeds United បានដកហូតក្រដាសកាតុង ដែលតំណាងឲ្យ Osama bin Laden ស្ថិតនៅតាមកៅអ៊ីមួយក្នុងពហុកីឡដ្ឋាន Elland Road ក្រោយអ្នកគាំទ្រប្រទះឃើញរូបភាព អតីតមេដឹកនាំអាល់កៃដា ។
ក្នុងគោលបំណងជម្រុងបរិយាកាសនៅក្នុងពហុកីឡដ្ឋាន ក្រុម Leeds បានអនុញ្ញាតឱ្យអ្នកគាំទ្របង់ប្រាក់ ២៥ ផោន ដើម្បីបង្ហាញរូបរបស់ខ្លួននៅលើក្រដាស់កាតុង ដែលដាក់បញ្ឈរតាមកៅអី ។
ជាលទ្ធផលគេឃើញរូបភាព Osama bin Laden មានវត្តមាននៅទីនោះដែរ ដោយត្រូវបានផ្សព្វផ្សាយព្រោងព្រាតនៅលើបណ្តាញសង្គមធ្វិតទ័រ ។
ធ្វីតទ័រ @AllLoveLeeds បានសរសេរថា “អរគុណ @lufc ខ្ញុំនៅក្បែរប៊ីន Laden !!! ‘។
អ្នកគាំទ្រជាច្រើនបានលើកជាសំនួរថា តើនរណាបានបង់ប្រាក់ ២៥ផោន ដើម្បីដាក់ រូប Osama bin Laden ។
សារព័ត៌មាន Yorkshire Evening Post បានអះអាងថា Leeds United បាននិយាយថាការត្រួតពិនិត្យគឺត្រូវបានធ្វើឡើងដើម្បីធានាថាមិនមានរូបភាពបញ្ហាទៀតទេនៅក្នុងពហុកីឡដ្ឋាននៅមុនការប្រកួតថ្ងៃសៅរ៍ជាមួយក្រុម Fulham ៕
