នៅថ្ងៃនេះព័ត៌មានអំពីការផ្ទេរកីឡាករខ្សែប្រយុទ្ធ Timo Werner មកកាន់ទឹកដីនៃក្លឹបតោខៀវ Chelsea ទំនងជាត្រូវបានអះអាងដោយយុវជនលេងនៅឈុតធំរបស់ក្លឹបតោខៀវ Chelsea ម្នាក់នៅលើបណ្តាញសង្គម Instagram។
យុវជនរបស់ក្លឹបដែលមានឈ្មោះថា Armando Broja គឺជាអ្នកដែលបានទំលាយព័ត៌មាននេះដោយចៃដន្យនៅក្នុងកម្មវិធីឆ្លើយនឹងសំណួរមួយលើកម្មវិធីផ្សាយផ្ទាល់លើបណ្តាញសង្គម Instagram។កីឡាករវ័យ១៨ឆ្នាំបានឆ្លើយទៅនឹងសំណួរដែលបានសួរថាតើអ្នកគិតយ៉ាងណាចំពោះកីឡាករ Werner ដែលត្រៀមនឹងផ្ទេរមកអង់គ្លេសនោះ?
Broja បាននិយាយថា៖ខ្ញុំគិតថា Werner គឺជាកីឡាករដ៏ល្អបំផុតម្នាក់។គាត់មានល្បឿនលឿនខ្លាំងនិងអាចស៊ុតបញ្ចូលទីបានច្រើនគ្រាប់។ខ្ញុំតែងតែមើលទំរង់លេងរបស់គាត់នៅលើបណ្តាញយូធូបហើយគាត់ពិតជាល្អមែនហើយនេះគឺជាការចុះកុងត្រាមួយដ៏ល្អបំផុតសម្រាប់ក្លឹប។
គួរឲ្យដឹងដែរថាកីឡាករអាល់បេនី Broja រូបនេះបានបង្ហាញខ្លួនដំបូងនៅលីគកំពូលអង់គ្លេស Premier Leagueកាលពីដើមរដូវកាលក្នុងការប្រកួតមួយរបស់ Chelseaប៉ះនឹងក្រុម Everton៕
ប្រែសម្រួល៖Lee
