កីឡាករខ្សែការពារអេស្បាញ Hector Bellerin ដែលកំពុងលេងឲ្យក្លឹបកាំភ្លើងធំ Arsenal មកដល់ពេលនេះមានកុងត្រារហូតដល់ឆ្នាំ២០២៣ក៏ពិតមែនប៉ុន្តែតាមការបញ្ជាក់របស់កីឡាករថ្មីៗនេះថានឹងត្រូវរងចាំពេលវេលាបន្តិចទៀតដើម្បីធ្វើការសម្រេចចិត្តថ្មីមួយក្នុងការបន្តកុងត្រាថ្មីឬយ៉ាងណា។
ក្នុងពេលដែលកុងត្រាថ្មីត្រូវបានជាប់គាំងបែបនេះក្លឹបយក្សអ៊ីតាលី Inter Milan បានបង្ហាញពីបំណងចង់បានកីឡាកររូបនេះហើយកំពុងធ្វើការងារដើម្បីអាចចរចានៅរដូវក្តៅនេះខណៈដែលគ្រូបង្វឹកក្លឹបអ៊ីតាលីលោក Antonio Conte កំពុងកសាងក្រុមថ្មីមួយនៅរដូវកាលនេះ។
Bellerin វ័យ២៥ឆ្នាំរូបនេះគឺជាកីឡាករដែលដុះចេញពីថ្នាលយុវជនរបស់ក្លឹបកាំភ្លើងធំ Arsenal តាំងតែពីឆ្នាំ២០១១ពេលដែលគាត់បានសម្រេចចិត្តដើរចេញពីក្លឹប Barcelona ប៉ុន្តែមកដល់ពេលនេះអនាគតរបស់កីឡាករនៅ Emirates ហាក់ដូចជាមិនមានភាពច្បាស់លាស់ឡើយ៕
ប្រែសម្រួល៖Lee
