នៅថ្ងៃនេះក្លឹបបិសាចក្រហម Man United ត្រូវបានកាសែត The Sunsports ចេញផ្សាយថាបាននឹងកំពុងចាប់អារម្មណ៍ខ្លាំងទៅលើតម្លៃពិសេសដែល Real Madrid បានផ្តល់ឲ្យចំពោះកីឡាករខ្សែប្រយុទ្ធ James Rodriguez ដែលនឹងអាចជាគោលដៅកីឡាករវែងឆ្ងាយសម្រាប់ក្លឹប។
កីឡាករវ័យ២៨ឆ្នាំសញ្ជាតិកូឡំប៊ីរូបនេះមានតម្លៃប្រមាណជា១០០លានផោនកាលពីគ្រាមួយដែលកំពុងឡើងជើងខ្លាំងប៉ុន្តែមកដល់ពេលនេះខណៈដែលកូវីដ១៩ផងនិងកីឡាករធ្លាក់ជើងផងនិងជាពិសេសកុងត្រាដែលនៅសល់តែ១២ខែទៀតបានបង្ខំឲ្យ Real Madrid នឹងយល់ព្រមរាល់សំណើរទាំងឡាយណាដែលមានតម្លៃត្រឹមប្រហែលជា៥០លានផោនជាមិនខាន។
បិសាចក្រហម Man United កន្លងមកក៏ធ្លាប់ជាអ្នកដែលតាមចែចង់កីឡាកររូបនេះមិនតិចដងដែរតាំងតែពីមុនកីឡាករផ្ទេរមកដល់ Real Madrid និងក្នុងពេលដែលកំពុងលេងនៅទីនេះ។
អស់២រដូវកាលមកហើយដែល Rodriguez ត្រូវបានក្លឹបអេស្បាញនេះដាក់ឲ្យខ្ចីជើងទៅលេងជាមួយនឹង Bayern Munich និងទើបតែត្រូវបានផ្ទេរមកវិញកាលពីរដូវក្តៅមុននេះប៉ុណ្ណោះហើយក៏មិនសូវជាមានឱកាសបង្ហាញខ្លួនឈុត១១នាក់ដំបូងឲ្យលោក Zidaneដែរ៕
ប្រែសម្រួល៖Lee
