កីឡាករខ្សែប្រយុទ្ធសមាជិកពានរង្វាន់ពិភពលោករបស់ប្រទេសបារាំង Mbappe ត្រូវបានគេដឹងហើយថាតែងតែមានព័ត៌មានផ្ទេរទៅលេងជាមួយនឹងក្លឹបនៅលីគកំពូលអង់គ្លេសរហូតមកហើយមកដល់សប្តាហ៍នេះមានការគាំទ្រកាន់តែខ្លាំងឡើងដើម្បីឲ្យរឿងនេះអាចធ្វើទៅរួច។
អតីតវិរៈបុរសរបស់ជម្រើសជាតិអង់គ្លេស Alan Shearer ជាមនុស្សម្នាក់ក្នុងចំណោមនោះ។លោកបាននិយាយថា Kylian Mbappe គួរតែផ្ទេរមកលេងនៅ Premier League ហើយនិយាយបែបកំប្លែងថាមានតែក្លឹបតែមួយប៉ុណ្ណោះដែលអាចទិញកីឡាកររូបនេះបានគឺជាអតីតក្លឹបរបស់ខ្លួន Newcastle។
លោក Shearer បញ្ជាក់ទៀតថាជាមួយនឹងពានរង្វាន់ធំៗនៅអ៊ឺរ៉ុបដល់ទៅ៧ព្រមទាំងពានរង្វាន់ពិភពលោកម្តងហើយក្នុងអាយុត្រឹមតែ២១ឆ្នាំ Mbappe ពិតជាអាចលេងនៅលីគមួយណាក៏បានល្អនិងខ្លាំងដែរ៕
ប្រែសម្រួល៖Lee
