យោងតាមរបាយការណ៍បានអោយដឹងថាលោក Jurgen Klopp បាននិយាយជាមួយ Kalidou Koulibaly ជុំវិញការផ្លាស់ប្តូរសក្តានុពលទៅ Liverpool ។អ្នកចាត់ការសញ្ជាតិអាល្លឹម៉ង់ ត្រូវបានគេរាយការណ៍មកថា បាននិយាយជាមួយ Koulibaly តាមទូរស័ព្ទ ជាមួយផែនការលេង ជាមួយកីឡាករខ្សែការពារក្លិប Napoli ។
ក្នុងនោះ គាត់បានរៀបរាប់លម្អិតពីរបៀបដែល Koulibaly នឹងត្រូវលេងក្នុងតំបន់ការពារជាមួយ Virgil van Dijk ។កីឡាករវ័យ ២៨ ឆ្នាំរូបនេះត្រូវបានក្រុមបិសាចក្រហម Manchester United, PSG, Barcelona និង Real Madrid ចាប់អារម្មណ៏កាលពីប៉ុន្មានខែថ្មីៗនេះ។
តែសារព័ត៌មានបារាំង Le10 Sport បានចុះផ្សាយថា ហង្សក្រហមបានឆ្មក់លួចខលទៅកាន់ កីឡាករខាងលើ ដើម្បីធ្វើជាគូប្រជែងចង់បានដ៏ធំផងដែរ ។ទោះបីជាយ៉ាងណា ការផ្លាស់ប្តូរ នឹងជួបបញ្ហាហិរញ្ញវត្ថុក្នុងពិភពបាល់ទាត់ចំពេលមានវិបត្តិជំងឺឆ្លង។
Koulibaly ត្រូវបានគេវាយតម្លៃប្រហែល ៩០ លានផោន ហើយក្លិប Napoli អាចនឹងទទួលបានតម្លៃតិចជាងនេះ អាចឈានដល់ដំណាក់កាល ៦៥លានផោន ក៏ថាបាន។ជាមួយគ្នានេះដែរ អតីតខ្សែការពារក្រុមហង្សក្រហមលោក Andrea Dossena បានជំរុញឱ្យលោក Klopp ចុះហត្ថលេខាជាមួយ Koulibaly នៅថ្ងៃព្រហស្បតិ៍នេះថា រាងកាយ និងល្បឿនគាត់រហ័សរហួន សាកសមជាកីឡាករខ្សែការពារកណ្តាលឆ្នើមម្នាក់ នៅលើពិភពលោក នឹងអាចនិយាយ ថាជាកីឡាករល្អក្នុងនៅអង់គ្លេសផងដែរ ។
អ្វីដែលឧបសគ្គនៅទីនេះ គឺ Jurgen Klopp ត្រូវ ធ្វើការចាប់ដៃគូរវាង Koulibaly និង Van Dijk នៅលើទីលាន៕
