កីឡាករប្រធានក្រុម Jordan Henderson នៅសប្តាហ៍នេះបានធ្វើការអះអាងថា កីឡាករទាំងអស់ដែលលេងនៅលីគកំពូលអង់គ្លេស Premier League គឺភាគច្រើនមានអារម្មណ៍ទុកចិត្តនិងសុវត្ថិភាព១០០ភាគរយ ហើយក្នុងការវិលត្រឡប់មកហ្វឹកហាត់និងប្រកួត។
ប្រធានក្រុមរបស់ Liverpool រូបនេះគឺកំពុងស្ថិតនៅក្នុងពេលវេលារងចាំដើម្បីលើកពាន Premier League ជាផ្លូវការហើយកំពុងទន្ទឹងឲ្យការប្រកួតឬគម្រោង Project Restart អាចធ្វើឡើងបានឆាប់ៗនេះ។ Henderson គឺជាកីឡាករម្នាក់ក្នុងចំណោមកីឡាករជាច្រើនផ្សេងទៀត ដែលបានពិភាក្សាគ្នាជាមួយនឹង ប្រធានសមាគមន៍បាល់ទាត់អង់គ្លេស PFA កាលពីថ្ងៃម្សិលមិញ។
ភ្លើងខៀវត្រូវបានផ្តល់ក្រោយពេលដែលការហ្វឹកហាត់ របស់ក្លឹបបានធ្វើឡើងអស់រយៈពេលជាង១សប្តាហ៍កន្លងមកហើយ ចំណែកឯការធ្វើតេស្តលើកទី៣ ក៏បានធ្វើរួចរាល់ហើយផងដែរកាលពីថ្ងៃម្សិលមិញ៕
ប្រែសម្រួល៖Lee
