នៅថ្ងៃនេះគ្រូបង្វឹកក្លឹបលោក Ole Solskjaer បានធ្វើការអះអាងហើយថាកីឡាករ Paul Pogba ព្រមទាំងខ្សែប្រយុទ្ធ Marcus Rashford ទាំងពីរនាក់ បានត្រៀមខ្លួនរួចរាល់ហើយ ដើម្បីត្រឡប់មកប្រកួតជូនក្លឹបវិញពេលដែល Premier League អាចដំណើរការវិញ។
គួរឲ្យដឹងដែរថាកីឡាករ Pogba នៅក្នុងរដូវកាលនេះអាចបង្ហាញខ្លួនបានតែ ៨ដងប៉ុណ្ណោះ ក្រោយទទួលរងរបួសវះកាត់ជើង តាំងតែពីខែធ្នូខណៈដែល Rashford វិញគឺមិនអាចបង្ហាញវត្តមានបានឡើយតាំងតែពីខែមករាដោយសាររបួសខ្នងផងដែរ។
ប៉ូន្តែកាលពីសប្តាហ៍មុន កីឡាករទាំងពីរបានត្រឡប់មកចូលរួមហ្វឹកហាត់ជាធម្មតាវិញជាមួយនឹងមិត្តរួមក្លឹបដទៃទៀតហើយ។ លោក Solskjaer បាននិយាយថាពួកគាត់ទាំងពីរ មានសុខភាពល្អ ពួកគាត់ចូលរួមហ្វឹកហាត់ហើយអាច ហ្វឹកហាត់គ្រប់សកម្មភាព បានដូចដែរកីឡាករផ្សេងទៀតធ្វើបានដែរ៕
ប្រែសម្រួល៖Lee
