អាវត្រៀមរដូវកាលថ្មីរបស់មេឃខៀវ ផ្ទុះការរិះគន់​

អាវថ្មីរបស់ក្លិប Manchester City ត្រៀមរដូវកាល 2020-2021 ត្រូវបានធ្លាយចេញ នៅលើបណ្តាញធី្វតទ័រ  ប៉ុន្តែ អ្នកគាំទ្រ​មិនសប្បាយរីរាយនោះទេ ជាមួយការរចនា របស់ Puma ។​

អ្នកគាំទ្របានលើកឡើងថា អាវថ្មីនេះ វាមើលទៅដូច វីរុសចឹង ហើយមើលទៅដូចអ្វីម្យ៉ាង ជាមួយឈុតដែល ពិធីករ James May ធ្លាប់ពាក់ អ៊ីចឹងដែរ ។​អ្នកលេងបណ្តាញធ្វីតទ័រ បានសរសេរថា ហេតុអ្វីបានជា Puma គិតថាជាគំនិតល្អ ព្រោះមើលទៅវាដូចជាកញ្ចក់ខូច ឬ ភ្នាស់កោសិកាដែលមើល​ឃើញដោយមីក្រូទស្សន៍។​

ចំណែកអ្នកផ្សេងទៀតបានលើកឡើងថា មើលវាទៅគួរ​ឲ្យស្អប់  សូមឲ្យក្រុមហ៊ុនផលិត Puma គិតឡើងវិញ។ អ្នកផ្សេងទៀតថា មើលទៅដូចជាអាវរបស់ ពិធីករ James May  ធ្លាប់ពាក់  ហើយនេះជារឿងអាក្រក់បំផុត​ដែលខ្ញុំមិនធ្លាប់បានឃើញ៕