អតីតកីឡាករ Ivan Cordoba បានធ្វើការគាំទ្រដល់មិត្តរួមជាតិរបស់គេ គឺ James Rodriguez ឲ្យផ្លាស់ទៅកាន់លីកកំពូលអង់គ្លេស នារដូវកាលក្តៅនេះ ចំពេលមានការសង្ស័យ Man Utd បានដាក់គោលដៅយកដូចគ្នា។ នេះបើយោងតាម Metro បានចុះផ្សាយ។
James Rodriguez បានបង្ហាញខ្លួនចំនួន ៧លើក នៅលីកកំពូលរបស់ អេស្ប៉ាញ ដោយកំពុងស្ថិតក្រៅបញ្ជី ១១នាក់របស់លោក Zinedine Zidane ។ ម្លោះហើយដែលធ្វើឲ្យ ភ្នាក់ងារ កីឡាករខាងលើកំពុងព្យាយាមធ្វើការទាក់ទងឲ្យផ្លាស់ប្តូរឲ្យឆ្ងាយពីរដ្ឋធានីរបស់ អេស្ប៉ាញ ដោយកំពុងទាក់ទងជាមួយ Man Utd ក្នុងការផ្លាស់ដ៏មានសក្តានុពលមួយ។
ទន្ទឹមជាមួយគ្នានេះដែរអតីតកីឡាករ Inter Milan លោក Ivan Cordoba បានជឿជាក់ James នឹងរីកចំរើននៅទឹកដី អង់គ្លេស។
Cordoba បានប្រាប់ Daily Mail ថា ames Rodriguez គឺជាកីឡាករល្អបំផុតសម្រាប់ពួកយើង។ខ្ញុំសង្ឃឹមថា Jame នឹងទៅប្រទេសអង់គ្លេសពីព្រោះមានជម្រើសគួរឱ្យចាប់អារម្មណ៍ជាច្រើនសម្រាប់គាត់។ James ជាកីឡាករមួយដែលធ្លាប់លេងជាមួយក្រុមល្អ Real Madrid ប៉ុន្តែក្របខ័ណ្ឌ Premier League គឺជាទិសដៅដ៏អស្ចារ្យ។ អ្នកដែលទិញគាត់នឹងធ្វើការជ្រើសរើសបានល្អបំផុត។
លោកក៏បានបន្តថា អាចនឹងមើលឃើញJames នៅ Inter ផងដែរ ជាមួយកៅអី ក្នុងនាមជាកីឡាករកូឡ៊ុំប៊ី នៅពហុកីឡដ្ឋាន San Siro ៕
