លោក Arsene Wenger សង្ឃឹមថា Mikel Arteta នឹងអាចធ្វើអោយ Arsenal នឹងស្តារបាននូវវប្បធម៌លេងឡើងវិញ ។ ក្នុងអំឡុងពេលនៃការកាន់កាប់របស់គ្រូបារាំង ក្លិបកាំភ្លើងធំ មានស្ទីលលេងគួរឲ្យចាប់អារម្មណ៍ ប៉ុន្តែវាបានថមថយចុះខ្លះ ក្នុងរយៈពេល ប៉ុន្មានឆ្នាំចុងក្រោយនេះ ។
ក្រោយការចាកចេញរបស់លោក កាំភ្លើងធំ រកបានគ្រូជំនួស គឺ Unai Emery ដោយក្រុមនេះ បានលេងតាមរបៀបដ៏ស្អិតរមួត។ ទោះបីជាយ៉ាងណា លោកបានយល់ឃើញថា Mikel Arteta នឹងអាចស្តារបាននូវវប្បធម៌លេងឡើងវិញ ។
លោកបានថ្លែងថា លោកនៅតែបារម្ភអំពីក្លិប ដោយលោកបានទស្សនារាល់ការប្រកួតទាំងអស់ ។ ខ្ញុំជឿជាក់ថាមានវប្បធម៌មួយនៅក្នុងរបៀបលេងបាល់ទាត់នៅ Arsenal ដែលខ្ញុំចង់ នោះសង្ឈឹមថា Mikel Arteta អាចនឹងធ្វើឲ្យវាត្រលប់មកវិញ។
លោក Mikel Arteta បានមកដឹកនាំក្រុមកាំភ្លើងធំ កាលពីខែធ្នូ ដោយឈ្នះការប្រកួតចំនួន ៨ ក្នុងចំណោម ១៥ប្រកួត របស់គាត់ក្នុងនាមជាគ្រូបង្វឹកដឹកនាំការលេង។ថ្វីបើមានការខកចិត្តតិចតួច ដោយចាកចេញពីក្របខណ្ឌ Europa League ក្រោមថ្វីជើងរបស់ Olympiacos ប៉ុន្តែបុរសញ្ជាតិអេស្ប៉ាញនេះនៅតែទទួលបានការសរសើរ ជាមួយការងារ ក្នុងដៃរបស់លោក។
Arteta បានកែប្រែរចនាសម្ព័ន្ធរបស់ក្រុម ឲ្យកាន់តែប្រសើរឡើង នឹងចង់ដឹកនាំក្រុម ជាមួយការលេងភ្ជាប់ជាមួយមហិច្ឆិតា។ តែទោះជាយ៉ាងណា នៅទីនេះ លោកមានការងារច្រើន ណាស់ ដែលត្រូវដោះស្រាយ ដោយឲ្យក្រុមងើបឡើងទៅមុខ តែមិនបានដោះស្រាយនូវបញ្ហាផ្នែកវិបត្តិហិរញ្ញវត្ថុ ដែលរងផលប៉ះពាល់ដោយកូវីដ ១៩នោះទេ៕
