ក្លិប Man Utd កំពុងព្រួយបារម្ភចំពោះសមត្ថភាព របស់ Victor Lindelof បានជំរុញ ឲ្យពហុកីឡដ្ឋាន Old Trafford ចូលរួមក្នុងការប្រជែងយកតារាឆ្នើម Mohammed Salisu របស់ Real Valladolid ។
ក្រុមបិសាចក្រហម Manchester United បានត្រៀមខ្លួនចូលរួមដើម្បីចុះហត្ថលេខាយក កីឡាករវ័យក្មេង Mohammed Salisu របស់ Real Vallodolid ខណៈដែលសំណួរអំពីសមត្ថភាពរបស់ Victor Lindelof នៅតែបន្តកើតមាន។
ខ្សែការពារកណ្តាល សញ្ជាតិស៊ុយអ៊ែត បច្ចុប្បន្នជាដៃគូក្នុងតំបន់ការពាររបស់ Harry Maguire ដោយកុងត្រាជាមួយក្លិបដល់ឆ្នាំ 2024 ប៉ុន្តែ ប្រធានក្លិបហាក់មិនទុកចិត្តពីសមត្ថភាព កីឡាករខ្សែការពាររូបនេះ ។
យោងតាមសារព័ត៌មាន ESPN បានឱ្យដឹងថាក្រុម Old Trafford ចង់បន្ថែមការប្រកួតប្រជែងសម្រាប់ Lindelof នៅរដូវក្តៅនេះហើយពួកគេកំពុងទាក់ទងរួចហើយជាមួយ Real Valladolid ជុំវិញ Salisu ។ កីឡាករសញ្ជាតិហ្គាណា នេះនឹងមានតម្លៃ 10.4 លានផោន ដែលបានបង្ហាញទេពកោសល្យលេងយ៉ាងល្អជាមួយក្រុម។
ក្នុងនោះដែរ ក្លិបអធិរាជស ក៏បានចាប់អារម្មណ៍ទៅលើកីឡាករអាយុ ២០ឆ្នាំនេះ ។
បញ្ជាក់ផងដែរថា ខ្សែការពារកណ្តាលខាងលើ បានបង្ហាញខ្លួនលេងជាមួយ Real Valladolid តែ ២៧ ប្រកួតប៉ុណ្ណោះ ក្រោយចូលរួមលេងជាមួយឈុតធំក្នុងឆ្នាំ ២០១៩ ៕
