Paul Scholes បានបង្ហើបឱ្យដឹងថាក្លឹប Inter Milan គឺជាក្លឹបតែមួយគត់ដែលបានព្យាយាមចុះហត្ថលេខាជាមួយគាត់អំឡុងពេលគាត់នៅ Manchester United ។
អតីតកីឡាករឆ្នើមមួយរូប របស់បិសាចក្រហម បានឈ្នះពានរង្វាន់ Premier League ចំនួន ១១លើក ក្នុងចំណោម ៧០០ប្រកួត ក្នុងរយៈពេល ២០ឆ្នាំ នៅទឹកដី អូត្រាហ្វត ហើយត្រូវបានគេចាត់ទុកថា ជាខ្សែបម្រើឆ្នើមបំផុត ក្នុងវិស័យបាល់ទាត់ ជំនាន់នោះ ។
ជាមួយទេពកុសល្យ ដ៏ប៉ិនប្រសព្វ របស់លោក ដែលល្បីល្បាញពេញទ្វីបអឺរ៉ុប អតីតកីឡាករអាយុ ៤៥ឆ្នាំរូបនេះ បានបង្ហើបថា ក្នុងអាជីព មានការទាក់ទងពីក្លិបខាងក្រៅម្តង តែព័ត៌មាននោះ ត្រូវបានរសាត់យ៉ាងលឿន ក្រោយពីលោកបានធ្វើការច្រានចោលដោយមិនចង់ផ្លាស់ប្តូរទៅណានោះទេ។
Scholes បានប្រាប់ BBC Radio 5 Live ថា ខ្ញុំមិនដែលដឹងអំពីក្រុមណាមួយដែលមករកខ្ញុំទេ ។ លោកបានថា ពេលនោះលោកបានខលសួរ ទៅកាន់ភ្នាក់ងារចាស់របស់ Bryan Robson ដោយបានសួរមកកាន់ខ្ញុំថា តើខ្ញុំចង់ទៅលេងនៅ Inter Milan ដែរឬទេ ? នោះជាការខលតែមួយលើកគត់ក្នុងអាជីព ហើយខ្ញុំក៏គ្មានអ្វីត្រូវនិយាយ ហើយអ្នកគ្រប់គ្រង ក៏មិនបាន និយាយមកកាន់ខ្ញុំដេរ។“ ខ្ញុំបានលេងនៅក្លឹបកុមារភាពរបស់ខ្ញុំ ខ្ញុំជាយុវជន Manchester យើងបានឈ្នះពានរង្វាន់គ្រប់ពេល។
លោកបានបន្តថា បើពេលនោះអ្នកចាត់ការទូទៅថាមិនចង់បានរូបលោក ពេលនោះលោកច្បាស់ជាចេញ ប្រសិនបើក្លិបធំនៅបរទេសចង់បានខ្ញុំ ហើយក្លិបធំនោះមិនចាំបាច់ទាល់តែ Barcelona, Real Madrid ឬ AC Milan ព្រោះអីពេលនោះខ្ញុំគឺលេងឲ្យក្លិបធំបំផុតនៅលើពិភពលោករួចហើយ។
Scholes បានលើកពានរង្វាន់ Champions League ចំនួនពីរលើក FA Cups ចំនួនបីលើក និង League Cups ចំនួនពីរ អំឡុងលោកនៅបិសាចក្រហម ៕
