នៅថ្ងៃពុធនេះកាសែតអង់គ្លេស The Sun បានចេញផ្សាយថាក្លឹបហង្សក្រហម Liverpool ត្រូវបានគេដាក់ឈ្មោះទៅជាក្លឹបដែលមានតម្លៃខ្លួនច្រើនបំផុតក្នុងចំណោមក្លឹបធំៗនៅអ៊ឺរ៉ុបដោយតាមតួលេខអាចបញ្ជាក់បានថាក្លឹបនេះមានតម្លៃរហូតទៅដល់ទៅ១,២៧ពាន់លានដុល្លារ។
បើប្រៀបធៀបជាមួយនឹងកាំភ្លើងធំ Arsenal ដែលបច្ចុប្បន្នកំពុងស្ថិតក្រោមការដឹកនាំរបស់លោក Mikel Arteta វិញគឺបច្ចុប្បន្នស្ថិតនៅក្នុងចំណាត់ថ្នាក់លេខរៀងទី១៥ប៉ុណ្ណោះគឺមានតម្លៃប្រមាណជា៥៦៦លានផោនខណៈដែលក្លឹបអង់គ្លេស៤ទៀតស្ថិតនៅក្នុងចំណោម top10។
Man City ស្ថិតនៅលេខរៀងទី២មានតម្លៃប្រមាណជា១,២៤ពាន់លានដុល្លារក្លឹបតោខៀវ Chelsea ស្ថិតនៅចំណាត់ថ្នាក់លេខរៀងទី៥មានតម្លៃ៩១៧លានផោនក្លឹបបិសាចក្រហម Man United នៅលេខរៀងទី៦មានតម្លៃ៩១៧លានផោនដូចគ្នានិងចុងក្រោយក្លឹបមាន់ខ្នាយមាស Spurs មានតម្លៃ៧១៥លានផោនស្ថិតនៅចំណាត់ថ្នាក់លេខរៀងទី៩៕
ប្រែសម្រួល៖Lee
