ទោះបីជាការហ្វឹកហាត់របស់កីឡាករទាំងអស់របស់លីកកំពូលអង់គ្លេសមិនត្រូវបានធ្វើឡើងវិញរហូតដល់ដើមខែមេសាក្តីប៉ុន្តែក្លឹបជាច្រើនបានធ្វើការដាក់បម្រាមដ៏កំហិតមួយចំនួនក្នុងការធ្វើដំណើររបស់ពួកគេ។
មួយក្នុងចំណោមនោះគឺថាក្លឹបមិនអនុញ្ញាតិឲ្យកីឡាកររបស់ខ្លួនក្នុងការហោះហើរជាមួយនឹងកៅអីថ្នាក់ទាបឬ commercial class ឡើយដែលជាប្រភេទកៅអីជាប់គ្នាងាយស្រួលក្នុងការប៉ះពាល់អ្នកជំងឺឬចម្លងមេរោគ COVID-19។
ក្លឹបធំៗជាច្រើនកំពុងពិចារណាក្នុងការវិលត្រឡប់មកវិញប៉ុន្តែក៏មានក្លឹបជាច្រើនចង់បន្តវិស្សមកាលនេះព្រោះថានៅមិនទាន់អស់ការព្រួយបារម្ភនៅឡើយអំពីការចម្លងមេរោគដ៏សាហាវមួយនេះខណៈដែលមានទាំងកីឡាករល្បីៗផងនិងគ្រូបង្វឹករបស់ក្លឹបផងសុទ្ធតែបានឆ្លងនាពេលកន្លងមកនោះ៕
ប្រែសម្រួល៖Lee
