បាល់ហ្រ្វីឃីកមួយគ្រាប់ដែលធ្វើដោយ Fernandes យប់មិញបានបង្ហាញថាកីឡាកររូបនេះពិតជាមានឥទ្ធិពលខ្លាំងដល់ទំរង់លេងរបស់ក្លឹបបិសាចក្រហម Man United ខ្លាំងមែនទែន។ Fernandes មិនបានព្យាយាមស៊ុតដោយខ្លួនឯងឡើយប៉ុន្តែបែរជាបានធ្វើវាទៅជាការបោះបាល់ទៅឲ្យខ្សែប្រយុទ្ធ Martial រកបានគ្រាប់បាល់ទី១ក្នុងការប្រកួតយ៉ាងអស្ចារ្យទៅវិញ។
ជ័យជំនះលើកនេះបានក្លាយទៅជាការប្រកួត១០លើកចុងក្រោយហើយដែល Man United មិនទាន់ស្គាល់ពាក្យថាបរាជ័យនៅឡើយ។គ្រាប់ទី២របស់ក្រុមម្ចាស់ផ្ទះរកបានដោយកីឡាករវ័យក្មេងដែលទើបតែងើបជាពីរបួស McTominay ជាគ្រាប់គួរឲ្យជក់ចិត្តយ៉ាងខ្លាំងដោយសារតែវាជាគ្រាប់បាល់ដែលស៊ុតពីចំងាយ៤០យ៉ាតបញ្ចូលទីយ៉ាងងាយស្រួល។
ទោះបីជាមិនទាន់អាចឈានទៅដល់ក្រុមកំពូលទាំង៤ក្តីក្រោយជ័យជំនះប៉ុន្តែ Man United បានបង្ហាញឲ្យអ្នកគាំទ្រថាការបន្តធ្វើការជាមួយនឹងលោក Solskjaer គឺមិនមានការសម្រេចចិត្តខុសឡើយដោយក្រុមចាប់ផ្តើមមានការអភិវឌ្ឍឡើងវិញមកហើយ៕
ប្រែសម្រួល៖Lee
