ភ្នំពេញ៖ជាដំណឹងដ៏ល្អមួយសម្រាប់បងប្អូនកម្មករនៅពេលនេះប្រទេសចិនបានប្រើប្រាស់នាវា៧គ្រឿងដើម្បីដឹកវត្ថុធាតុដើមមកផ្គត់ផ្គង់ទៅតាមបណ្ដារោងចក្រនានានៅកម្ពុជា។ដំណឹងល្អនេះនឹងធ្វើឲ្យបងប្អូនរួចផុតពីការព្យួរការងារហើយរោងចក្រនឹងបន្តដំណើរការឡើងវិញជាប្រក្រតីផងដែរទោះបីជាមានរោងចក្រខ្លះបានព្យួរការងារកម្មកររួចទៅហើយក្ដី។
ក្នុងពិធីសម្ពោធដាក់ឲ្យប្រើប្រាស់ផ្លូវជាតិលេខ៥៥និងបើកការដ្ឋានសាងសង់ផ្លូវជាតិលេខ១០ នៅព្រឹកថ្ងៃទី៩ ខែមីនា ឆ្នាំ២០២០នេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជាក៏បានអំពាវនាវដល់ម្ចាស់ផ្ទះជួល និងភាគីពាក់ព័ន្ធត្រូវមានការយោគយល់ខ្ពស់ចំពោះកម្មករ ក្នុងបរិបទមានការព្យួរការងារនិងបិទរោងចក្រមួយចំនួនដែលជាហេតុធ្វើឲ្យកម្មករជួបការលំបាក៕
