គឺជាសកម្មភាពមិនគួរឲ្យជឿខណៈដែលការប្រកួតរវាង Juventus និង Inter Milan យប់មិញធ្វើឡើងទាំងបិទទ្វារមិនមានអ្នកគាំទ្រសូម្បីតែម្នាក់ដែលអនុញ្ញាតិឲ្យចូលទស្សនាដោយសារតែបញ្ហជាជំងឺរាតត្បាតកូរ៉ូណាដែលកំពុងបានសម្លាប់មនុស្សរាប់សិននាក់មកហើយក្នុងប្រទេសអ៊ីតាលីនោះ។
គេបានមើលឃើញថាមុនការប្រកួតមកដល់កីឡាករខ្សែប្រយុទ្ធជួរមុខរបស់ក្លឹប Juventus គឺកីឡាករ CR7 ដែលបានដើរចូលមកកាន់ទីលានប្រកួតហើយបានទះដៃស្វាគមន៍ជាមួយនឹងអ្នកគាំទ្រទៀតផង។ប៉ុន្តែកុំយល់ច្រឡំណាជាក់ស្តែងវាគ្រាន់តែជាសកម្មភាពបែបកំប្លែងរបស់ CR7 ប៉ុណ្ណោះ។កីឡាកររូបនេះបានសំដែងដូចជាមានអ្នកគាំទ្រច្រើនកំពុងរងចាំរូបគេពេលដើរចូលទីលានប៉ុណ្ណោះ។
១គ្រាប់របស់ Ramsey និង ១ គ្រាប់ដ៏មុតស្រួចរបស់ Dybala ពិតជាល្មមគ្រប់គ្រាន់សម្រាប់ក្រុមម្ចាស់ផ្ទះក្រោមការដឹកនាំរបស់លោក Sarri យកបាន៣ពិន្ទលើក្រុម Inter Milan ដែលបច្ចុប្បន្នកំពុងស្ថិតក្រោមការដឹកនាំរបស់លោក Conte៕
ប្រែសម្រួល៖Lee
