មកដល់ពេលនេះកុងត្រារបស់ខ្សែប្រយុទ្ធជួរមុខរបស់ក្លឹបកាំភ្លើងធំ Arsenal កីឡាករ Pierre EmerickAubameyang គឺនៅសល់កុងត្រាត្រឹមតែចុងបញ្ចប់រដូវកាលក្រោយប៉ុណ្ណោះហើយមិនទាន់ត្រូវបានគេមើលឃើញមានការចចារគ្នាណាមួយដើម្បីបន្តកុងត្រាថ្មីនៅឡើយខណៈដែលព័ត៌មានចាកចេញកាន់តែច្រើន។
ក្លឹបយក្ស Inter Milan និង Barcelona សុទ្ធតែបានកំពុងរងចាំមើលស្ថានភាពជាក់ស្តែងនៃកីឡាកររូបនេះយ៉ាងខ្លាំងហើយជាពិសេសគឺនៅក្រោយបញ្ចប់រដូវកាលនេះថាតើ Arsenal អាចនឹងទទួលបានសិទ្ធក្នុងការចូលរួមប្រកួត Champion League នៅរដូវកាលក្រោយឬក៏អត់។The Mirror ក៏បានចេញផ្សាយកន្លងមកដែរថា Aubameyang មិនព្រមបន្តកុងត្រាព្រោះមិនច្បាស់ថា Arsenal អាចបាន Top4 ឬក៏អត់ក្នុងពេលដែលបច្ចុប្បន្នកំពុងស្ថិតនៅក្នុងចំណាត់ថ្នាក់លេខ១០នៅឡើយនោះ។
កីឡាករផ្ទាល់បានព្យាយាមនៅស្ងៀមស្ងាត់អស់មួយរយៈធំទាំងដែលសូម្បីតែក្លឹប Real Madrid ក៏បានបង្ហាញបំណងចង់បានរូបគេដូចគ្នាប៉ុន្តែមកដល់សប្តាហ៍នេះ Aubameyang បានចេញមកប្រកាសប្រាប់គេប្រាប់ឯងថារូបគេនៅតែសប្បាយចិត្តលេងនៅ Emirates ដដែលជាពិសេសរូបគេស្រលាញ់និងចូលចិត្តអ្នកគាំទ្រក្លឹបនេះបំផុត៕
ប្រែសម្រួល៖Lee
