ភ្នំពេញ ៖ លោក ជា សុផារ៉ា ឧបនាយករដ្ឋមន្រ្តី រដ្ឋមន្រ្តីក្រសួងរៀបចំដែនដី នគររូបនីយកម្ម និងសំណង់បានព្រមានបិទការដ្ឋានសំណង់ទាំងឡាយណាដែលគ្មានវិស្វករចាប់ពី២នាក់ឡើងទៅ។
ក្នុងវគ្គផ្សព្វផ្សាយ អំពីច្បាប់ស្ដីពី សំណង់ជូនអ្នកវិជ្ជាជីវៈ លើកទី៣ ក្នុងវិស័យសំណង់ នៅថ្ងៃទី២១ ខែកុម្ភៈ ឆ្នាំ២០២០ លោក ជា សុផារ៉ា មានប្រសាសន៍ថា «រាល់ការសាងសង់សំណង់គ្រប់ប្រភេទ នៅទូទាំងប្រទេស គឺត្រូវតែមានវិស្វករចំនួន២នាក់ នៅប្រចាំក្នុងការដ្ឋានសាងសង់ុំ ក្នុងករណី មន្រ្តីរកឃើញសំណង់ទាំងឡាយណា ដែលមិនអនុវត្តតាមច្បាប់ ក្រសួងនឹងបញ្ឈប់ការសាងសង់ និងឃាត់ខ្លួនម្ចាស់សំណង់ ដើម្បីពិន័យតាមច្បាប់ដែលបានកំណត់»៕
