លោក Mauricio Pochettino នៅតែមានចំណាប់អារម្មណ៍ចង់ជំនួសលោក Ole Gunnar Solsjaer នៅ Old Trafford ប៉ុន្តែបច្ចុប្បន្នគ្រូបង្វឹកក្រុមបិសាចក្រហមនៅតែបន្តរក្សាការគាំទ្រពីលោក Ed Woodward ដដែល។ នេះបើយោងតាមគេហទំព័រ The Sun បានចុះផ្សាយ។
គ្រូបង្វឹកសញ្ជាតិអាហ្សង់ទីន បានបាត់បង់ការងារតាំងពីគាត់ត្រូវបានបណ្តេញចេញពីតំណែងដោយ Tottenham កាលពីខែវិច្ឆិកាប៉ុន្តែយោងតាម Mirror បានចុះផ្សាយផងដែរថាគ្រូ បង្វឹក នេះចង់ចាប់ផ្តើមអាជីពជាថ្មីនៅអង់គ្លេស ហើយបិសាចក្រហមជាគោលដៅដែលគាត់ចង់បាន ។
និយាយពី Man Utd បច្ចុប្បន្នមានការរីកចំរើនតិចតួចក្រោមការដឹកនាំរបស់លោក Ole ដែលបច្ចុប្បន្នកំពុងស្ថិតនៅពាក់កណ្តាលតារាងនៃលីកកំពូលអង់គ្លេស ។ ថ្វីបើយកបានខ្សែបម្រើល្អ ប៉ុន្តែ តំបន់ប្រយុទ្ធរបស់បិសាចក្រហម កំពុងស្ថិតក្នុងក្តៅព្រួយបារម្ភនៅឡើយដោយ Marcus Rasfhord បានយ៉ាងហោចណាស់រហូតដល់ខែមីនា ទើបត្រលប់ ចូលទីលានវិញ។
របាយការណ៍ចុងក្រោយមកនេះ បានលើកឡើងថា Ed Woodward នឹងអាចបណ្តេញលោក Ole ចេញ ក្នុងករណីដែលមិនអាចជួយឲ្យក្លិប ឡើងទៅកាន់តំណែង Top ក្នុងលីកកំពូល អង់គ្លេស ដែលជាយាន្តមួយឆ្ពោះទៅកាន់ការប្រកួតពានរង្វាន់ UCL នារដូវកាលក្រោយនោះ៕
