Dimitar Berbatov និយាយថា Bruno Fernandes ត្រូវតែកែលម្អផ្នែករាងកាយ សម្រាប់ការប្រកួតរបស់គាត់នៅ Manchester United។
អតីតខ្សែប្រយុទ្ធរបស់បិសាចក្រហមខាងលើបានលើកឡើងថា ការបង្ហាញខ្លួនលើកដំបូងរបស់ Bruno Fernandes យើងឃើញថាខ្សែបម្រើរូបនេះ ត្រូវកែលម្អផ្នែកនៃរាងកាយរបស់គាត់ ដើម្បីទប់ទល់ក្នុងការទាមទារ នៃក្របខណ្ឌលីកកំពូលអង់គ្លេស។
អតីតខ្សែប្រយុទ្ធក្រុមបិសាចក្រហម Berbatov ជឿជាក់ថា Fernandes បានបង្ហាញពីភាពវៃឆ្លាតរបស់ខ្លួន នៅទឹកដីអូត្រាហ្វត ។ ទោះបីជាយ៉ាងណា លោកបានជំរុញឲ្យ អតីតប្រធាន ក្រុមរបស់ Sporting ធ្វើឱ្យប្រសើរឡើងខាងរាងកាយ ខណៈដែលការប្រកួតនៅលីកកំពូលអង់គ្លេស មានភាពតឹងរឹង នឹង លឿន ជាងអ្វីដែលគាត់ធ្លាប់ឆ្លងកាត់នៅលើទឹកដីព័រទុហ្កាល ។
កីឡាករសញ្ជាតិប៊ុលហ្គារីរូបនេះបានប្រាប់ Betfair ថា៖ « Bruno Fernandes លេងបានយ៉ាងល្អក្នុងការបង្ហាញខ្លួនលើកដំបូងរបស់គាត់ពេលប្រកួតជាមួយ Wolves ។ គាត់នឹងត្រូវការលេងពីរបីប្រកួតដើម្បីលេងឲ្យស៊ីសង្វាក់ជាមួយក្រុម ។ លោកបានបន្តថា ខ្សែបម្រើសញ្ជាតិព័រទុហ្កាលនេះ ជាអ្នកលេងវៃឆ្លាត ដោយមានកែវភ្នែក វៀងវៃ ដើម្បីបញ្ជូនបាល់ ដល់តំបន់ប្រយុទ្ធ ទាំងឆ្វេងទាំងស្តាំ ជាពិសេសការបញ្ជូនបាល់បានលឿនៗល្អ។ ក្នុងការប្រកួតកន្លងទៅឃើញថា ខ្សែបម្រើខាងលើបាន គ្រប់គ្រងការប្រកួតបានយ៉ាងល្អ ។
