ក្នុងទីផ្សារដោះដូរកីឡាករកន្លងទៅ ក្លិបបិសាចអធិរាជស បានព្យាយាមអន្ទងចង់បានកីឡាករ Pogba ប៉ុន្តែការចរចារមិនត្រូវគ្នា ក៏ព្រោះតែតម្លៃខ្លួនដែលដាក់ចេញនោះ វាមានទំហំ ធំពេក ដែលធ្វើឲ្យក្លិបយក្សអេស្ប៉ាញពិបាកទទួលយក ។
កីឡាករម្ចាស់ពានរង្វាន់ពិភពលោករបស់បារាំង បានព្យាយាមស៊ូទ្រាំ នៅលីកកំពូលអង់គ្លេស តាំងពីខែកញ្ញា ដោយសារតែបញ្ហារបួសកជើង។ មកដល់ពេលនេះ ក្លិប Man Utd នឹងអនុញាតិឲ្យគាត់ ប្រសិនបើតម្លៃដែលដាក់ចេញ ត្រូវបានឆ្លើយតប។
យោងតាម The Sun បានចុះផ្សាយថា កាលពីរដូវកាលមុន ក្លិបបិសាចក្រហមបានស្នើសុំ សម្រាប់តម្លៃខ្លួន កីឡាករ បារាំងខាងលើ ក្នុងទំហំសាច់ប្រាក់ ១៨០លានផោន សល់ត្រឹមតែ ១៥០លានផោន បន្ទាប់ពីយុទ្ធនាការដ៏គួរឲ្យខ្លាចរបស់ Pogba ។
Real Madrid នៅតែជាទិសដៅដ៏សំខាន់របស់ Pogba ទោះបីជា Juventus ក៏អាចធ្វើឲ្យមានការផ្លាស់ប្តូរនាំយកកីឡាករ រូបនេះទៅកាន់ទីក្រុងតូរីនវិញ ដែលជាកន្លែងគាត់ធ្លាប់ឈ្នះពានលីកកំពូលអង់គ្លេសចំនួន ៤ មុនចូលរួមលេងជាមួយបិសាចក្រហម កាលពីឆ្នាំ ២០១៦ ក្នុងតម្លៃខ្លួន ៨៩លានផោន៕
