ទីផ្សារផ្ទេរកីឡាករត្រូវបានបិទបញ្ចប់នារាត្រីយប់មិញនេះ ដោយកីឡាករសញ្ជាតិអ៊ុយរ៉ូហ្គាយ នៅបន្តលេងជាមួយក្លិប PSG ទោះបីជាមានការចែចូវឲ្យចាកចេញពីក្លិបក្តី។
កីឡាករអាយុ ៣២ឆ្នាំ ត្រូវបានគេល្បួងសាកសួរ ឲ្យចាកចេញពីរដ្ឋធានីបារាំង ខណៈដែលមានការចាប់អារម្មណ៍ពីក្លិប អាតេម៉ាឌ្រីដ នៅរដ្ឋធានីអេស្ប៉ាញ។
PSG មិនមានផែនការផ្ទេរកីឡាកររូបនេះចេញក្នុងខែមករានេះទេ ក៏ព្រោះតែសំណើរដាក់ឲ្យមិនសាកសមតែប៉ុណ្ណោះ ស្របពេលដែលកុងត្រាកីឡាករខាងលើ នៅសល់រយៈពេល ៦ខែ ហើយក្លិបពីរនៅអង់គ្លេស មាន តោខៀវ និងបិសាចក្រហមក៏ចាប់អារម្មណ៍ដូចគ្នា។
នាយគ្រប់គ្រងផ្នែកកីឡាករ Leonardo ប្រាប់ទៅកាន់ព័ត៌មាន L’Equipe ថា យើងមិនឈានដល់កិច្ចព្រមព្រៀងណាមួយឡើយ ហើយយើងមិនដែលគិតថានឹងផ្ទេរគាត់ចេញនោះទេ តែក្នុងនោះយើងក៏បានបើការចរចារដែរ តែមិនត្រូវរ៉ូវគ្នា៕
