Lionel Messi បានថ្លែងអំណរគុណដល់លោក Ernesto Valverde និងបានចាត់ទុកបុរសអាយុ ៥៥ ឆ្នាំនេះជាមនុស្សពូកែម្នាក់បន្ទាប់ពីគាត់ត្រូវបានបណ្តេញចេញពីក្រុម Barcelona ។
Barcelona បានបណ្តេញអ្នកគ្រប់គ្រងរបស់ពួកគេជាលើកដំបូងចាប់តាំងពីលោក Louis van Gaal ត្រូវបានចាក់ចេញនៅឆ្នាំ ២០០៣ ខណៈដែលអតីតគ្រូបង្វឹក Real Betis គឺ Quique Setien បានជំនួស Valverde នៅ Camp Nou ។
អំឡុងពេលដែលលោកធ្វើជាគ្រូបង្វឹករបស់ក្លិប Barca លោក Valverde បានឈ្នះពានរង្វាន់ La Liga ចំនួន ២ ប៉ុន្តែលោកមិនអាចរក្សាការងារមួយនេះបានឡើយ បន្ទាប់ពីមានការរិះគន់យ៉ាងខ្លាំងចំពោះទម្រង់លេងរបស់ក្រុម។ ទោះជាយ៉ាងណា Messi បានបង្ហាញការគាំទ្ររបស់គាត់ចំពោះ Valverde បន្ទាប់ពីការចាកចេញ។
កីឡាករកំពូលរបស់អាហ្សង់ទីនបាននិយាយថា ខ្ញុំប្រាកដណាស់ គឺអ្នកពិតជាអស្ចារ្យនឹងធ្វើបាល្អគ្រប់ទីកន្លែង ព្រោះតែអ្នកមានវិជ្ជាជីវៈក្នុងខ្លួនដ៏ អស្ចារ្យ ពោលគឺអ្នកជាមនុស្សពូកែ៕
