Hakim Ziyech ជាកីឡាករគោលដៅរបស់ក្លឹបកាំភ្លើងធំ Arsenal ជាពិសេសជាមួយនឹងគ្រូបង្វឹកថ្មីរបស់ក្លឹបគឺលោក Mikel Arteta ផងដែរ។សប្តាហ៍នេះក្លឹប Ajax បានប្រកាសថានឹងដាក់លក់កីឡាករ Hakim Ziyech រូបនេះចេញពីក្លឹបដែលវាបានក្លាយទៅជាដំណឹងដ៏ល្អមួយសម្រាប់ Arsenal។
ទោបីជាយ៉ាងណាកាំភ្លើងធំ Arsenal នឹងមិនអាចនាំយកកីឡាកររូបនេះមករួមក្លឹបបានទេបើមិនហ៊ានចំនាយលុយប្រមាណជា៤២,៥លានផោនដែល Ajax បានដាក់តម្លៃទេនោះ។កាសែត Calciomercato បានសរសេរថា Ajax បានបញ្ចាក់ហើយថានឹងស្តាប់ទៅលើសំណើរទាំងឡាយសម្រាប់ខ្សែប្រយុទ្ធស្លាប២៦ឆ្នាំរូបនេះ។
គួរឲ្យដឹងដែរថាកំពូលកីឡាករឆ្នើមរូបនេះកាលពីរដូវកាលមុនអាចរកគ្រាប់បាល់ជូនក្លឹបដល់ទៅ២១គ្រាប់និងជួយមិត្តរួមក្លឹបរកគ្រាប់បាល់បាន២៤ដងនិងព្រមទាំងជួយឲ្យ Ajax ឡើងទៅដលវគ្គខ្ពស់បំផុតនៃ Champion Leagu បំបែកប្រវត្តិសាស្ត្រក្លឹបទៀតផងដោយការទាត់បញ្ចូលទីទៅលើក្រុមខ្លាំងៗដូចជា Real Madrid ជាដើម៕
ប្រែសម្រួល:Lee
