Real Madrid កំពុងចាប់អារម្មណ៍ក្នុងការចុះហត្ថលេខាលើ Sadio Mane ពីក្រុម Liverpool នៅរដូវក្តៅនេះហើយបានទាក់ទងដំបូងជាមួយអ្នកតំណាងរបស់កីឡាករអំពីការផ្លាស់ប្តូរដែលអាចកើតមាន។
យោងតាមគេហទំព័រ Metro ក្លិបយក្សអេស្ប៉ាញមួយនេះ ទំនងនឹងបញ្ចេញកីឡាករពីររូបមាន Gareth Bale និង James Rodriguez នាចុងរដូវ កាលនេះ ហើយ Zidane កំពុងសំឡឹងមើលកីឡាករខ្សែប្រយុទ្ធថ្មី ។
Karim Benzema បានក្លាយជាកីឡាករខ្សែប្រយុទ្ធតែមួយគត់របស់ក្លិបអធិរាជស ដែលអាចស៊ុតបញ្ចូលទី បាន ១២គ្រាប់ ខណៈដែល Bale, Rodriguez, Eden Hazard, Vinicius Jr, Luka Jovic និង Rodrygo សុទ្ធតែបរាជ័យ ក្នុងការស្វែងរកគ្រាប់បាល់។បញ្ហាទាំងនេះគឺជាបញ្ហាឈានមុខគេរបស់ Real ។
ក្នុងនោះដែរ Zidane បានយល់ឃើញថា កីឡាករសញ្ជាតិសេនីហ្កាល Mane នឹងក្លាយជាចម្លើយ ក្នុងដំណោះស្រាយក្នុងបញ្ហាតំបន់ប្រយុទ្ធរបស់ គាត់។
គេហទំព័រ Le10Sport បានចុះថា ក្លិបអធិរាជស មានទំនាក់ទំនងដំបូងជាមួយភ្នាក់ងាររបស់ Mane ហើយកំពុងចរចារ ជាមួយតម្លៃផ្ទេរ ដ៏មានសក្តានុពលភាព។
អ្វីៗនៅទីនេះ អធិរាជស ត្រូវប្រឈមបញ្ហាធំៗ ដោយឆ្លងកាត់ភាពលំបាកជាច្រើនជាពិសេសត្រូវចាយខ្ទង់សាច់ប្រាក់ធំ ក៏ព្រោះតែក្លិបហង្សក្រហម គ្មានបំណងលក់កីឡាករដ៏លេចធ្លោរបស់ពួកគេឡើយ។
ទោះបីជាកីឡាករសេនីហ្កាល ឈានដល់ខែមេសាឆ្នាំនេះ ចូលអាយុ ២៨ឆ្នាំក៏ដោយនោះ តែតម្លៃខ្លួនរបស់គាត់ កំពុងឡើងយ៉ាងគំហុក ក្រោយបង្ហាញ ខ្លួនលេងបានយ៉ាងល្អជាមួយក្លិប ខណៈដែលកុងត្រា នៅសល់ជាមួយពហុកីឡដ្ឋាន Anfield ដល់ឆ្នាំ ២០២៣ ។
គួរបញ្ជាក់ផងដែរថា Mane រកបាន ១០គ្រាប់ ក្នុងការប្រកួតជូនក្រុម នារដូវកាលនេះ ក្នុងលីកកំពូលអង់គ្លេស ហើយវាហាក់ស្តែងឲ្យឃើញថា អធិរាជស អាចនឹងពិបាកក្នុងការយកកីឡាករខាងលើ ក៏ព្រោះតែក្លិបហង្សក្រហម នៅតែបន្តការប្រកួតយូហ្វាឆេមពានលីក នៅរដូវកាលក្រោយ នឹងឈានដល់ការលើកពាន លីកកំពូលអង់គ្លេសដូចគ្នា ជាលើកដំបូងក្នុងរដូវកាលនេះ៕
