ក្នុងទឹកដីខ្លួន ក្លិបមេឃខៀវបានរងសម្ពាធជាថ្មី ដោយបានចាញ់ក្រុម បិសាចក្រហមដែលជាក្រុមរួមត្រកូលស៊ីសាច់ហុតឈាមរាប់ឆ្នាំមកហើយនោះ ក្នុងលទ្ធផល 1-2 យ៉ាងភ្ញាក់ផ្អើល ក្នុងក្របខណ្ឌលីកកំពូលអង់គ្លេស។
បិសាចក្រហមបាននាំមុខក្លិប មេឃខៀវតាំងពីតង់ទី១ ដោយលទ្ធផល 2-0 ក្នុងនោះកីឡាករ Rasford បានស៊ុតបាល់១១ម៉ែត្រ នៅនាទី ២៣ និង Martial រកបាននៅនាទី ២៩ ។
ហើយម្ចាស់ផ្ទះបានតាមបំបែកពងមាន់របស់ភ្ញៀវនៅនាទី ៨៥ ដោយកីឡាករ Nicolas Otamendi ។
លទ្ធផលនេះ បានធ្វើឲ្យបិសាចក្រហមឡើងទៅកាន់លេខរៀងទី៥ មាន ដោយ ១៦ប្រកួតមាន ២៤ពិន្ទុ ហើយមេឃខៀវនៅលេខរៀងទី៣ មាន ៣២ពិន្ទុ ខណៈដែលក្លិបកំពូលតារាងហង្សក្រហម មាន ៤៦ពិន្ទុ ៕
ទស្សនាវីដេអូឃ្លិបខ្លីដូចខាងក្រោមនេះ៖
