Jose Mourinho គ្រូបង្វឹកថ្មីរបស់ Spurs កំពុងធ្វើការសម្រេចចិត្ត នឹងចង់ផ្ទេរកីឡាករ Zlatan Ibrahimovic លេងក្រោមការដឹកនាំរបស់ខ្លួន នារដូវកាលនេះ ។ នេះបើយោងតាម Dailymail បានចុះផ្សាយ។
កីឡាករ Zlatan Ibrahimovic កំពុងស្ថិតក្នុងលក្ខណៈគ្មានតម្លៃខ្លួន ក្រោយបញ្ចប់កុងត្រាជាមួយ La Galaxy ។
យោងតាមប្រភពព័ត៌មាន Telegraph គ្រូបង្វឹកសញ្ជាតិព័រទុហ្កាល រូបនេះ កំពុងកែស្ថានការណ៍ថ្មីរបស់ក្លិប ក្រោយពីក្លិបបណ្តេញគ្រូបង្វឹក Mauricio ហើយក៏ដាក់ផែនការ ចង់បានអតីតកីឡាករ AC Milan ដូចគ្នា ។
Mourinho បានចុះហត្ថលេខា យក Zlatan កាលពីឆ្នាំ២០១៦ ជូនក្លិប បិសាចក្រហម ដោយបានបង្ហាញខ្លួនលេងយ៉ាងល្អ ដោយរកគ្រាប់បាល់បាន ២៩គ្រាប់ ក្នុងចំណោម ៥៣គ្រាប់ ។
តារាបាល់ទាត់អាយុ ៣៨ឆ្នាំ បានចាកចេញពី អូត្រាហ្វត កាលពីខែមីនា ឆ្នាំ២០១៨ ប៉ុន្តែពេលនេះកំពុងមានទំនាក់ទំនង យ៉ាងខ្លាំងជាមួយអ្នកលេងយុទ្ធសាស្ត្រលើទីលាន ព័រទុហ្កាល ។
Harry Kane នៅតែជាខ្សែប្រយុទ្ធឆ្នើមនិងក្រៅដីរបស់ Tottenham ។
ប្រភពព័ត៌មានកន្លងទៅបានចុះផ្សាយថា លោក Mino Raiola ត្រូវជាភ្នាក់ងាររបស់ Zlatan កំពុងមានទំនាក់ទំនងយ៉ាងខ្លាំង ជាមួយក្លិបយក្សអ៊ីតាលី ក្នុងនោះមាន AC Milan ។
ប្រភពចេញពីអ៊ីតាលី បានលើកឡើងថា ភ្នាក់ងារខាងលើ កំពុងចរចារជាមួយ ពហុកីឡដ្ឋាន San Siro ប៉ុន្តែវាហាក់មិនត្រូវរ៉ូវគ្នា ក៏ព្រោះតែ កីឡាករ បានទាមទារតម្លៃខ្ពស់ជាង ២សែនផោនក្នុងមួយសប្តាហ៍ ។ ជាមួយគ្នានេះដែរ ត្រូវបានគេលើកឡើងថា Jose កំពុងសន្សំចិត្តចង់បាន កីឡាករចាស់វស្សារូបនេះ ៕
ទស្សនាវិដេអូឃ្លិបការស្វែងរកគ្រាប់បាលរបស់ Zlatan ៖
