ខ្សែប្រយុទ្ធវ័យក្មេងសញ្ជាតិរុស្ស៊ី Aleksandr Sobolev កំពុងក្លាយជាកីឡាករ ស្ថិតក្នុងទិសដៅទីផ្សារដោះដូរនាខែមករា របស់ក្លិប Manchester United ។ នេះបើយោងតាម The Sun បានចុះផ្សាយ។
អតីតកីឡាករជម្រើសជាតិរុស្ស៊ី អាយុក្រោម ២១ឆ្នាំ ជាកីឡាករដែលស្ថិតក្នុងបញ្ជីរបស់បិសាចក្រហម ក្នុងនោះមាន Callum Wilson, Mario Mandzukic និង Moussa Dembele ជាដើម។
លោក Ole Gunnar Solskjaer បានបង្ហើបថា គាត់ចាំបាច់ណាស់ត្រូវការកីឡាករជួរមុខខ្លាំង ក្រោយពីកីឡាករ Romelu Lukaku និង Alexis Sanchez បានចាកចេញ ទៅកាន់ទឹកដី Inter Milan ។
Sobolev បច្ចុប្បន្នអាយុ ២២ឆ្នាំ កំពុងក្លាយជាកីឡាករចាប់អារម្មណ៍ក្នុងលីក Russian Premier League ដោយរកបាន ៨គ្រាប។ ជាមួយគ្នានេះដែរ មានការដាក់ចេញនូវតម្លៃខ្លួនក្នុងតំបន់ អាចពី ១៥លានផោន៕
