Man United ត្រូវបានកាសែតអង់គ្លេស The Sunsports នៅថ្ងៃសុក្រនេះសរសេរថាកាន់តែខិតជិតទៅនឹងការចុះកុងត្រាជាមួយនឹងខ្សែប្រយុទ្ធវ័យចំណាស់ ដើម្បីមកធ្វើការជំនួសតំណែងរបស់កីឡាករ Lukaku ដែលបានផ្លាស់ទៅលេង Inter Milan ទៅហើយនោះ។
Llorente បច្ចុប្បន្នកំពុងស្ថិតក្នុងភាពជាកីឡាករគ្មានក្លឹបលេងនៅឡើយក្រោយផុតកុងត្រាជាមួយនឹងក្លឹប Spurs កាលពីចុងរដូវកាលមុនគឺចំពេលដែល Man United បានបរាជ័យជាបន្តបន្ទាប់ក្នុងការរកកីឡាករថ្មីជំនួស Lukaku ដែលបានផ្លាស់ទៅ Inter Milan ក្នុងតម្លៃ៧៤លានផោនមកនោះ។
តែទោះបីជាយ៉ាងណាក្តីក្លឹបបិសាចក្រហម Man United នឹងត្រូវប្រឈមមុខទៅនឹងគូប្រជែងខ្លាំងៗផ្សេងទៀតដូចជា Napoli និង Lazio ផងដែរដែលសុទ្ធតែបានបង្ហាញការចង់បានកីឡាករខ្សែប្រយុទ្ធអេស្បាញនេះដូចគ្នា៕
ប្រែសម្រួល:Lee
