Matthijs de Ligt កីឡាករឆ្នើម របស់ Ajax និង Netherlands បានបង្ហើបឲ្យដឹងថា Cristiano Ronaldo បានសួរណែនាំពីគាត់ បើសិនជាចង់ចូលរួមលេងជាមួយ Juventus នៅរដូវកាលក្រោយ។
កីឡាករអាយុ ១៩ឆ្នាំរូបនេះ បានរំពឹងពីទឹកប្រាក់ធំ ក្នុងការផ្ទេរពី Ajax នៅរដូវកាលដែលបានបិទបញ្ចប់ ហើយឈានដល់ទីផ្សារផ្ទេរកីឡាករ នៅក្នុងខែ កក្កដា ខាងមុខនេះ ដោយមានក្លិបធំពីរកំពុងចាប់អារម្មណ៍ក្នុងនោះមាន Barcelona និង PSG ។
ប៉ុន្តែ Ronaldo ហាក់មិនបោះបង់ពេលវេលា ដោយត្រូវការចាំបាច់កីឡាករខ្សែការពារនាំទៅកាន់ទីក្រុង Turin របស់អ៊ីតាលី ហើយក៏បានសួរនាំ ទៅកាន់ខ្សែការពារវ័យក្មេងរូបនេះ ក្រោយឈ្នះក្នុងលទ្ធផល 1-0 នៅរាត្រីយប់មិញនេះ។
នៅពេលដែលអ្នកសារព័ត៌មានចោទសួរថា តើ Ronaldo បានសាកសួរដើម្បីឲ្យក្លាយជាមិត្តរួមក្រុមគាត់អត់នៅ Juventus ? De Ligt បានប្រាប់បណ្តាញព័ត៌មានថា បាទវាពិតជាត្រឹមត្រូវហើយ។ ដំបូងខ្ញុំមិនយល់ពីគាត់ទេ ដោយមានការភ្ញាក់ផ្អើលតិចតួច ហើយខ្ញុំសើច ប៉ុន្តែខ្ញុំមិនបាននិយាយអ្វីនោះទេ តែអ្វីដែលត្រូវគិតនោះគឺបន្ទាប់ពីការចាញ់ពីការប្រកួត អ្នកមានអារម្មណ៍ម្យ៉ាងគឺព្រួយ ពិបាកចិត្ត ដោយមិនខ្វល់ពីរឿងផ្សេងឡើយ។
សម្រាប់ Manchester United និង Liverpool ក៏កំពុងតាមត្រូវការខ្សែការពារកណ្តាល ក្រោយមើលឃើញកីឡាករខាងលើជួយឲ្យក្លិប Ajax ឡើងមកកាន់វគ្គពាក់កណ្តាលផ្តាច់ព្រ័ត្រនៃ Champions League ៕
