ក្រុមអ្នកគាំទ្រខ្លះរវាង Juventus និង Genoa ត្រូវបានគេរាយការណ៍ថា បានទាមទារសុំសំណងវិញលើថ្លៃសំបុត្ររបស់ពួកគេ បន្ទាប់ពី Ronaldo មិនបង្ហាញខ្លួនលេងក្នុងការប្រកួតក្រៅទឹកដីនេះ។
គ្រូបង្វឹករបស់សេះបង្កង់ Juventus លោក Max Allegri បានប្រកាសនាថ្ងៃម្សិលមិញថា Ronaldo នឹងត្រូវសម្រាក ដោយមិនធ្វើដំណើរទៅកាន់ទឹកដី Marassi របស់ក្លិប Genoa នោះទេ ក្រោយរកគ្រាប់បាល់បានបីគ្រាប់ យកឈ្នះទៅលើក្រុម Atletico Madrid ឡើងទៅកាន់វគ្គ៨ក្រុមចុងក្រោយ។
យោងតាមប្រភពព័តមាន នៃកាសែត Corriere della Sera បានចុះផ្សាយថាមានលំហូរចូលនៃការខលចូលទៅកាន់ការិយាល័យ លក់សំបុត្រប្រកួតរបស់ Genoa ដោយស្នើសុំសំណងវិញ លើថ្លៃសំបុត្រ ក្រោយមិនមានវត្តមាន Ronaldo ។
អ្វីដែលមិនធម្មតានៅទីនេះ អ្នកដែលខលសុំសំណងវិញនោះ មិនមែនសុទ្ធតែជាអ្នកគាំទ្ររបស់ Juventus នោះទេ ដោយមានទាំង អ្នកគាំទ្រ Genoa ផងដែរ ក្រោយមិនបានឃើញម្ចាស់ពាន៥សម័យកាល Ballon d’Or ៕
