កីឡាករ Messi បានរកគ្រាប់បាល់នៅនាទី១២ ជួយឲ្យក្រុម នាំមុខក្នុងលទ្ធផល 2-0 ខណៈគ្រាបបាល់ទី១ រកបានដោយកីឡាករ Philippe Coutinho បើកឆាកត្រឹម ២នាទីនោះ។ ប៉ុន្តែអ្វីដែលគួរឲ្យសោកស្តាយ នៅនាទី ២៦ ស្រាប់តែ Messi មានបញ្ហារបួសដៃ រហូតត្រូវសម្រេចដកចេញជួសមកវិញ Ousmane Dembele ក្រោយពីប៉ះទង្គិចជាមួយកីឡាករ Sevilla នោះ។
ទោះបីជាគ្មាន Messi ប៉ុន្តែក្លិបអ្នកមានបុណ្យនៅតែបន្តរកគ្រាប់បាល់បាន ដោយ Luis Suarez បានស៊ុតប៉េណ័លទី នៅនាទី ៦៣ នាំមុខជាថ្មី 3-0 ។ កីឡាករ Pablo Sarabia របស់ Sevilla បានបំបែកពង់មាន់របស់ Barca នៅនាទី៧៩ ។ Ivan Rakitic របស់ Barca បានរកគ្រាប់បាល់ នាំមុខជាថ្មី នៅនាទី ៨៨ 4-1 ខណៈដែល Luis Muriel បានរកគ្រាប់បាល់ទី២ ជូន Sevilla នៅនាទី ៩០ ។ ចប់ការប្រកួតលទ្ធផល 4-2 ។
សម្រាប់ Messi វិញ គេឃើញថា បានរុំរបួសធ្ងន់ធ្ងរ ទំនងជាផ្លោះដៃខាងស្តាំ ដែលជាហេតុប៉ះពាល់ដល់ការប្រកួតលើកៗក្រោយរបស់ក្លិប ជាពិសេសពាន Champhion Leagues តែម្តង៕
ទស្សនាវីដេអូ Messi មានបញ្ហារបួសដូចខាងក្រោមនេះ៖
https://www.youtube.com/watch?v=VDKk3YQ3U3c
