អតីតកីឡាករបិសាចក្រហម និងជាគ្រូជម្រើសជាតិវែល លោក Ryan Giggs បានជំរុញឲ្យបិសាចក្រហម គួរតែទុកផ្លូវសម្រាប់ គ្រូបង្វឹកដែលកំពុងជួបហានិភ័យ Jose Mourinho ឬជាគ្រូបង្វឹកដែលកំពុងស្ថិតក្នុងស្ថានភាពអស្ថេរភាពរូបនេះ។តំណែងរបស់ Mourinho កំពុងស្ថិតក្នុងស្ថានភាពគ្រោះថ្នាក់មែនទែន ដែលប៉ុន្មានប្រកួតចុងក្រោយមិនរកឃើញផ្លែផ្កា ហើយទំនងជាមានបញ្ហា ទំនាក់ទំនងជាមួយ Paul Pogba ។
Paul Scholes អតីតកីឡាកររបស់ពហុកីឡដ្ឋាន Old Trafford បានប្រកាសថា អ្នកដឹកនាំសញ្ជាតិព័រទុហ្កាលរូបនេះ បានធ្វើឲ្យក្លិបរងអាម៉ាស មែនទែន ជាពិសេសចាញ់ក្លិប West Ham ក្នុងលទ្ធផល 3-1 ។ទោះជាយ៉ាងនេះក្តី អតីតកីឡាករ Giggs បានលើកឡើងជ្រុងផ្សេងថា ឲ្យប្រុងប្រយ័ត្នចំពោះបញ្ហាដែលច្រានចោល ឬបណ្តេញលោក Jose Mourinho ។
អ្នកការក្រុមជម្រើសជាតិវែលរូបនេះបានប្រាប់អ្នកសាព័ត៌មានថា «ពួកគេកំពុងឆ្លងកាត់ពេលវេលាដ៏លំបាកមួយ ប៉ុន្តែនឹងផ្លាស់ប្តូរឆាប់ៗ តែពួកគេនឹងស្ថិតក្នុងទីតាំងដដែលក្នុងរយៈពេលមួយឆ្នាំនេះ» ។«ខ្ញុំជឿថាគាត់អាចរក្សាការងារគាត់បាន ហើយបញ្ហាយឺតយ៉ាវនេះ នឹងត្រូវបានរៀបចំផែនការទៅមុខ» ។ក្រុមបិសាចក្រហមនឹងស្វាគមន៍ Newcastle United នៅថ្ងៃសៅរ៍ សប្តាហ៍នេះដែលជាការប្រកួតចុងក្រោយរបស់ពួកគេមុននឹងសម្រាកការប្រកួតលក្ខណៈអន្តរជាតិនោះ៕
