ខ្សែបម្រើហង្សក្រហមកីឡាករ Wijnaldum បានបង្ហាញអារម្មណ៍ថាក្រុមលោកគួរតែ ពិតលទ្ធភាពជាក់ស្តែងមួយ ក្នុងការប្រកួតដណ្តើមពាន Champions League ដោយចាញ់ Napoli យប់មិញ ។
នៅនាទី ៩០ កីឡាករ Lorenzo Insigne បានជួយឲ្យក្លិបនៅ Serie A ឈ្នះ 1-0 លើ Liverpool ដោយឡើងទៅគ្រងពូល C ។
Wijnaldum បាននិយាយថា Napoli សមនឹងទទួលបានជ័យជម្នះ ហើយក្រុមយើងគួរតែរៀនពីពួគេ ដែលបង្ហាញដូចខាងក្រោមនេះ៖
កីឡាករបម្រើរូបនេះថា អ្នកចាញ់ការប្រកួតច្បាស់ណាស់ពិតជាមានអារម្មណ៍ខកចិត្ត យើងលេងមិនបានល្អ ហើយពួកគេសមនឹងឈ្នះ ។ ពួកគេមានភាពទន់ខ្សោយជាងយើងនៅលើទីលាន តែពួកគេបានការពារយ៉ាងល្អ ដោយបញ្ឈប់ឱកាសរបស់យើង ហើយវាមិនមែនជាថ្ងៃល្អ របស់យើងនោះទេ ពោលគឺពួកគេសមនឹងឈ្នះ ។
កីឡាករអាយុ ២៧ឆ្នាំរូបនេះបានបន្តថា វាជាការប្រកួតដ៏ល្អ ដែលយើងត្រូវសិក្សាពីពួកគេ ហើយនោះជាអ្វីដែលយើងត្រូវធ្វើ យើងបានវិភាគការប្រកួត ហើយឃើញថាបានធ្វើវាល្អប្រសើរ យើងនៅតែបន្តនូវទំនុកចិត្ត តែត្រូវពិនិត្យនូវស្ថានភាពជាក់ស្តែងនេះ ហេតុអ្វីមិនអាចបន្តទៅមុខទៀត ។ វាជាមេរៀនដ៏ល្អសម្រាប់យើងទាំងអស់គ្នាដើម្បីភាពប្រសើរឡើង ។
សម្រាប់ហង្សក្រហមនឹងទទួលភ្ញៀវ Man City នៅថ្ងៃអាទិត្យសប្តាហ៍នេះ ក្នុងការប្រកួតប្រជែងពាន Premier League ៕
