Phil Foden បាននិយាយថា មិនគួរយកខ្លួនគាត់ធៀបជាមួយកីឡាករ Andres Iniesta ដែលជាអតីតកីឡាករលេងក្នុងតំបន់បម្រើរបស់ Barcelona ព្រោះថាយើងទាំងពីរស្ថិតនៅភពផ្សេងគ្នា។
Foden ទើបតែមានអាយុ ១៨ឆ្នាំ ដោយត្រូវបានគេចាត់ទុកថាជាកីឡាករដែលមានទេពកោសល្យបំផុតនៅទ្វីបអឺរ៉ុប ដោយកីឡាកររូបនេះបាន ជួយឲ្យក្លិបយកឈ្នះ ក្លិប Oxford United កាលពីថ្ងៃអង្គារ។
កីឡាករវ័យក្មេងរូបនេះ បានជួយឲ្យមិត្តរួមក្រុមស៊ុតបញ្ចូលទី ២ គ្រាប់ មុននឹងសម្រចគោលដៅខ្លួនស៊ុតចុងម៉ោង ជួយឲ្យក្លិប Man City យកឈ្នះម្ចាស់ទឹកដី Oxford United 3-0 នៃពានរង្វាន់ EFL Cup ។
Karl Robinson គ្រូបង្វឹករបស់ Oxford United បានលើកឡើងថា សម្រាប់ Phil Foden ទម្រង់លេងរបស់គាត់គឺប្រហាក់ប្រហែល Andres Iniesta ប៉ុន្តែផ្ទុយទៅវិញលោក Pep Guardiola បានលើកឡើងថា គាត់មិនចង់ដាក់សម្ពាធទៅលើកីឡាករវ័យក្មេងរបស់គាត់នោះទេ ដោយធៀបជាមួយកីឡាករជើងចាស់ និងជាអតីតកីឡាករពហុកីឡដ្ឋាន Camp Nou។
Foden បានប្រាប់អ្នកសារព័ត៌មានថា «ខ្ញុំសប្បាយចិត្តជាមួយរឿងនេះ តែររវាងខ្ញុំនិងគាត់គឺនៅភពផ្សេងគ្នា» ។ កីឡាកររូបនេះក៏បានលើកឡើងផងដែរថា នឹងសង្ឈឹមអាចប្រកួតបានច្រើនសម្រាប់ការប្រកួតផ្សេងៗ ដោយអាចរក្សាទំរងលេង បែបនេះ៕
