វាជាលទ្ធផលមួយដ៏ភ្ញាក់ផ្អើលសម្រាប់បិសាចក្រហម ដែលត្រូវបាន ចាកចេញពីក្របខណ្ឌ EFL Cup ដោយអតីតកីឡាករ Frank Lampard កំពុងតែដឹកនាំក្រុម Derby County ដោយលទ្ធផលគ្រាប់បាល់សរុប ប៉េណ័លទី 7-8 នៅជុំទី៣ នោះ។
មុនការប្រកួត Jose Mourinho បានប្រាប់អ្នកកាសែតថា កីឡាករ Pogba មិនអាចធ្វើជាប្រធានក្រុមដឹកនាំការលេងម្តងទៀតបាននោះទេ ព្រោះតែទម្រង់របស់គាត់ធ្លាក់ចុះ និងធ្វើឲ្យលោកមានអារម្មណ៍មិនស្រលួល ។
ជាមួយបញ្ហានេះដែរ ក៏ចាប់ផ្តើមបន្តលឺព័ត៌មានថា Pogba នឹងចាកចេញពី បិសាចក្រហម ។ បើដូច្នោះមែន នៅទីនេះមានកីឡាករចំនួន ៥ ដែលអាជំនួសតំណែង Pogba បាន៖
#5 Frenkie De Jong (Ajax)
ខ្សែបម្រើសញ្ជាតិហុល្លង់រូបនេះ ជាបេក្ខជនដ៏ល្អដែលបិសាចក្រហមគួរតែយកមកកាន់ក្លិប សម្រាប់ខែមករាខាងមុខ ឬរដូវកាលបន្ទាប់។
ខ្សែបម្រើដែលរកប្រាក់ចំណូលខ្ពស់រូបនេះ កំពុងក្លាយជាគោលដៅចាប់អារម្មណពី Real និង Man Utd ។ តែបើសិន Pogba ចាកចេញមែននោះ ច្បាស់ណាស់កីឡាករវ័យ ២១ ឆ្នាំរូបនេះនឹងមកកាន់បិសាចក្រហមច្រើនជាង អធិរាជស ។
#4 James Maddison (Leicester)
James Maddison បានក្លាយជាគោលដៅយ៉ាងសំខាន់សម្រាប់ក្រុមធំៗនៅក្នុងទឹកដីអង់គ្លេស ក្រោយពីលេងបានយ៉ាងល្អក្នុងតំបន់បម្រើ ជាមួយ The Foxe ។
ក្នុងចំណោម ៦ ប្រកួតនៅរដូវកាលនេះ គេរកបាន ៣គ្រាប់ និងជួយបញ្ចូនបាល់យ៉ាងល្អឲ្យមិត្តរួមក្រុមរកគ្រាប់បាល់ បាន១គ្រាប់ ។ ទោះបីជាគាត់ មិនទាន់បានបង្ហាញទម្រង់លេងដ៏ធំពិតមែន ប៉ុន្តែ បិសាចក្រហម អាចនឹងរំពឹងទុកថា អាចនឹងដោះដូរ នៅខែមករា ខាងមុខទៅកាន់ Old Traford ។
#3 Blaise Matuidi (PSG)
នៅទីនេះ លេចលឺព័ត៌មានថា Juventus ចង់នាំយក Pogba ទៅកាន់ទីក្រុង Turin វិញ តែបើសិនរឿងនេះកើតឡើងមែន បិសាចក្រហម អាចនឹងនាំយក កីឡាករបារាំង Blaise Matuidi ទៅវិញ ។ កីឡាករបារាំងរូបនេះបានក្លាយជាប្រអប់សំខាន់មួយសម្រាប់ Juventus កាលពី ៤ឆ្នាំមុន។ ម្យ៉ាងវិញទៀត គាត់បានជួយឲ្យបារាំងឈ្នះពានពិភពលោកនៅ រុស្សីផងដែរ។ គ្រាប់ស្ថានការវាយលុក និងការពារ គឺមានល្បឿនលឿន ដែលសាកសមជំនួសតំណែង Pogba ។
#2 Thiago Alcantara (Bayern)
កីឡាកររូបនេះន ក្លិប Barcelona បានលក់ទៅកាន់ទឹកដីអាល្លឺម៉ង់នៅឆ្នាំ ២០១៣ គឺមិនបានលេចធ្លោនោះទេ ប៉ុន្តែសក្តានុពលគឺគ្មានទីបញ្ចប់ ។ ដោយបានបង្ហាញទម្រង់លេងបានយ៉ាងល្អ ហើយក៏ត្រូវបានក្លិបបិសាចក្រហមទាក់ទងជាច្រើនដងផងដែរ។
#1 Adrien Rabiot (PSG)
Rabiot បានក្លាយជាគោលដៅច្រើនឆ្នាំ ពីក្លិប Liverpool, Manchester City, Real Madrid និង Barcelona រហូតមកដល់ពេលបច្ចុប្បន្ន។
កីឡាករវ័យ ២៣ ឆ្នាំនេះបានក្លាយជាកីឡាករស្ថិតក្នុងប្រអប់កីឡាករដ៏ល្អលើពិភពលោក ។ ប៉ុន្តែកុងត្រារបស់គាត់ នឹងផុតកំណត់ជាមួយ PSG នៅរដូវកាលនេះ ហើយក៏មិនចង់បន្តដោយធ្វើការចាកចេញ ដើម្បីយកឱកាសថ្មី។
តែបើសិនជា Pogba ចាកចេញពី បិសាចក្រហមមែននោះ តំណែងខ្សែបម្រើនៅក្លិបធំរបស់អង់គ្លេសនេះ នឹងជំនួសដោយAdrien Rabiot ៕
