ភ្នំពេញ៖ កៀកដល់ថ្ងៃត្រៀមខ្លួនវៃជាមួយជើងខ្លាំងថៃទៅហើយ ស្រាប់តែកីឡាករជើងខ្លាំងកម្ពុជា លោក កែវ រំចង់ បានពុលក្តាមចង់ងាប់ ដែលធ្វើឲ្យសាមីខ្លួន និងអ្នកគាំទ្រលោក មានការបារម្ភ ព្រោះតែលោកខ្សោះខ្សោយកំលាំងក្នុងខ្លួន។
លោក កែវ រំចង់បានសរសេរនៅលើហ្វេសប៊ុកលោកនៅរសៀលថ្ងៃទី២៨ ខែសីហា ឆ្នាំ២០១៨ ថាស្បថ« ឈប់ស៊ីក្តាមហើយ ពុលក្តាមចង់ងាប់ហើយ សាំដល់ករ ជិតដល់ថ្ងៃវៃហើយ មកពុលក្តាមអីណា គ្មានកំលាំងក្នុងខ្លួនទេ រាគទល់ភ្លឺ មិនបានគេងទេ ។ អូយ រៀងហើយ លោកក្តាម។»
កែវ រំចង់ នឹងត្រូវជួបកីឡាករ ឆាឡឺមដេត នៅថ្ងៃទី២ ខែកញ្ញា ខាងមុខនេះ ហើយបញ្ហាដែលពុលក្តាមកំពុងធ្វើឲ្យសាមីខ្លួនមានសតិអារម្មណ៍មិនសូវ ខណៈដែលកីឡាករថៃ បានត្រៀមខ្លួនជាស្រេចក្នុងការប្រកួត ៕
