អតីតអ្នកចាំទីក្រុមហង្សក្រហម Liverpool លោក Brad Friedel បានលើកឡើងថា ហង្សក្រហមគួរតែដកខ្លួនចេញពីការតាមប្រជែង ដើម្បីទទួលបានហត្ថលេខារបស់ Marc Guehi។
ការប្រកួតប្រជែងសម្រាប់ហត្ថលេខារបស់កីឡាករជម្រើសជាតិអង់គ្លេសកាន់តែមានការកើនឡើង ដោយមានក្លឹបកំពូលៗរបស់អឺរ៉ុបមួយចំនួនកំពុងចាប់អារម្មណ៍លើការចុះហត្ថលេខាយកកីឡាករវ័យ 26 ឆ្នាំនៅពេលដែលគាត់ផុតកុងត្រានៅរដូវក្តៅ។
លោក Friedel បាននិយាយថាគាត់ចាត់ទុក Alessandro Bastoni ជាជម្រើសដែលអាចទុកចិត្តបាន។ ខ្សែការពារ Inter ត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ Merseyside នៅរដូវក្តៅ ប៉ុន្តែរបាយការណ៍របស់ Mundo Deportivo បានលើកឡើងថា Liverpool អាចដាក់សំណើរ 88 លានផោននៅក្នុងទីផ្សារដោះដូរកីឡាករខែមករាខាងមុខនេះ៕
