ក្លឹប Tottenham ត្រូវបានគេរាយការណ៍ថាបានប្ដេជ្ញាចិត្តទុកពេលឱ្យលោក Thomas Frank ដើម្បីជោគជ័យនៅក្លឹប បើទោះបីជាពួកគេទើបតែរងបរាជ័យក្រោមថ្វីជើងក្រុម Arsenal ក្នុងលទ្ធផល 4-1 ក៏ដោយ។
Spurs បានចាញ់បីលើកក្នុងចំណោមការប្រកួត Premier League ទាំងប្រាំលើកចុងក្រោយរបស់ពួកគេ ហើយបានធ្លាក់មកលេខ 9 ក្នុងតារាង បន្ទាប់ពីការបង្ហាញទម្រង់លេងមិនបានល្អរបស់ពួកគេនៅឯកីឡដ្ឋាន Emirates ។ ប៉ុន្តែអនាគតរបស់លោក Frank នៅក្លឹបមិនស្ថិតក្រោមការគំរាមកំហែងទេសម្រាប់ពេលនេះ។
យោងតាមសារព័ត៌មាន The Telegraph បានឱ្យដឹងថា Tottenham ចង់ផ្តល់ពេលវេលាគ្រប់គ្រាន់ដល់លោក Frank៕
