កីឡាករ Vinicius Jr របស់ក្លឹប Real Madrid ត្រូវបានគេរាយការណ៍ថាបានប្រាប់ក្លឹបថាគាត់មិនមានគម្រោងបន្តកុងត្រាថ្មីនៅ Santiago Bernabeu ដោយសារតែទំនាក់ទំនងដ៏លំបាកជាមួយអ្នកចាត់ការលោក Xabi Alonso ។
កីឡាករសញ្ជាតិប្រេស៊ីលរូបនេះ ត្រូវបានគេនិយាយថាជាកីឡាករម្នាក់ក្នុងចំណោមកីឡាករ 5 នាក់នៅក្លឹប Real Madrid ដែលមិនសប្បាយចិត្តនឹងវិធីសាស្រ្តគ្រប់គ្រងរបស់អ្នកចាត់ការថ្មី បន្ទាប់ពីគាត់បានជំនួសតំណែងលោក Carlo Ancelotti កាលពីរដូវក្តៅ។
Vinicius នឹងផុតកុងត្រានៅឆ្នាំ 2027 ហើយមិនទាន់ឈានដល់កិច្ចព្រមព្រៀងជាមួយក្លឹប ដើម្បីបន្តការស្នាក់នៅរបស់គាត់។ យោងតាម The Athletic គាត់បានជូនដំណឹងដល់ Los Blancos ថាគាត់នឹងមិនបន្តកិច្ចសន្យាបច្ចុប្បន្នរបស់គាត់ទេ «ខណៈពេលដែលទំនាក់ទំនងរបស់គាត់ជាមួយគ្រូបង្វឹកលោក Alonso នៅតែមានភាពតានតឹងខ្លាំង»។
ការផ្តាច់ទំនាក់ទំនងរវាងអ្នកទាំងពីរបានធ្វើឱ្យមានពាក្យចរចាមអារាមក្នុងអំឡុងពេលប្រកួត Clasico របស់ Madrid ឈ្នះក្រុម Barcelona នៅដើមរដូវកាលនេះ។ Vinicius ត្រូវបានគេមើលឃើញថាបានខឹងសម្បារបន្ទាប់ពីត្រូវលោក Alonso ប្តូរចេញក្នុងតង់ទីពីរនៃការប្រកួត។ ក្រោយមកគាត់បានចេញមកសុំទោសជាសាធារណៈចំពោះអាកប្បកិរិយារបស់គាត់៕
