លទ្ធផលស្មើ 2-2 របស់ Manchester United ជាមួយ Tottenham Hotspur វាពិតជាមិនអាក្រក់ពេកនោះទេ ប៉ុន្តែសម្រាប់អ្នកចាត់ការ Ruben Amorim វាបាននាំមកនូវបញ្ហាថ្មីមួយទៀត។
Benjamin Sesko ដែលចូលជាកីឡាករបម្រុងក្នុងតង់ទីពីរ ត្រូវបង្ខំចិត្តចេញបន្ទាប់ពីរបួសជង្គង់ ដោយលេងបានត្រឹមតែ 30 នាទី។
លោក Amorim បាននិយាយពីស្ថានភាពបន្ទាប់ពីការប្រកួត ដោយបង្ហាញការព្រួយបារម្ភចំពោះភាពធ្ងន់ធ្ងរនៃបញ្ហា។ លោកបានថ្លែងថា៖ «យើងត្រូវពិនិត្យ។ គាត់មានបញ្ហារអ្វីនៅក្នុងជង្គង់របស់គាត់»។
នៅពេលសួរថារបួសធ្ងន់ធ្ងរឬអត់នោះ គ្រូបង្វឹកសញ្ជាតិព័រទុយហ្គាល់បានទទួលស្គាល់ថា «ខ្ញុំមិនដឹងទេ ព្រោះវាជាបញ្ហារជង្គង់»៕
