អ្នកចាំទី Emiliano Martinez ហាក់ដូចជាគ្រវីដៃលាអ្នកគាំទ្រនៅឯ Villa Park បន្ទាប់ពី Aston Villa បានយកឈ្នះ Tottenham ក្នុងលទ្ធផល ២-០ ក្នុងការប្រកួតក្នុងផ្ទះចុងក្រោយរបស់ពួកគេនៃយុទ្ធនាការ ២០២៤-២៥ ។ អ្នកចាំទីដែលឈ្នះពាន World Cup បានស្រក់ទឹកភ្នែកបន្ទាប់ពីផ្លុំកញ្ចែបញ្ចប់ការប្រកួតពេញម៉ោង ស្របពេលគាត់ដើរចេញពីទីលាន។
នេះបើយោងតាមការចេញផ្សាយរបស់អ្នកសារព័ត៌មាន Gaston Edul បានអោយដឹងថាអ្នកចាំទីសញ្ជាតិអាហ្សង់ទីន ត្រៀមចាកចេញពី Villans នៅចុងបញ្ចប់នៃយុទ្ធនាការ ២០២៤-២៥។ គាត់មានសំណើពីក្លឹបកំពូលនៅអឺរ៉ុបចំនួនពីរ ខណៈក្លឹប Saudi Pro League ក៏ចង់បានអ្នកចាំទីរូបនេះផងដែរ។
ទោះជាយ៉ាងណាក៏ដោយ កីឡាករវ័យ ៣២ឆ្នាំរូបនេះទំនងជានឹងបដិសេធសំណើររបស់អារ៉ាប៊ីសាអូឌីតក្នុងការលេងបន្តនៅតំបន់អឺរ៉ុប ដើម្បីត្រៀមខ្លួនសម្រាប់ការប្រកួតបាល់ទាត់ពិភពលោកឆ្នាំ២០២៦៕
