យោងតាមការចេញផ្សាយរបស់ Relevo បានអោយដឹងថាក្លឹប Toronto FC ត្រូវបានរាយការណ៍ថាក្លឹបមួយស្ថិតក្នុងចំណោមក្លឹប Major League Soccer ជាច្រើនដែលកំពុងស្វែងរកលទ្ធភាពនៃការចុះហត្ថលេខាលើខ្សែបម្រើ Suso របស់ក្លឹប Sevilla។ កីឡាករសញ្ជាតិអេស្ប៉ាញដែលមានបទពិសោធន៍រូបនេះនឹងក្លាយទៅជាកីឡាករគ្មានតម្លៃខ្លួននៅរដូវក្តៅនេះ ដោយកិច្ចសន្យារបស់គាត់នៅ La Liga នឹងផុតកំណត់នៅខែមិថុនា។
កីឡាករវ័យ ៣០ឆ្នាំបានជួបការពិបាកក្នុងការសម្របតាមផែនការយុទ្ធសាស្ត្ររបស់អ្នកចាត់ការ García Pimienta ដែលធ្វើអោយគាត់បង្ហាញខ្លួនបានតែ ១០ប្រកួតប៉ុណ្ណោះសម្រាប់ក្លឹប Sevilla។ ទោះបីជាយ៉ាងណាក៏ដោយ វានៅតែមិនប្រាកដប្រជាថាតើ Suso ចាប់អារម្មណ៍ក្នុងការប្តូរទៅអាមេរិកខាងជើងដែរឬទេ ខណៈដែលគាត់កំពុងពិចារណាលើការផ្លាស់ប្តូរបន្ទាប់របស់ខ្លួន៕
