លោក Ruben Amorim បាននិយាយថាគាត់មិនព្រួយបារម្ភអំពីការបណ្តេញចេញពីក្លឹប Manchester United នោះទេ បន្ទាប់ពីក្រុមនេះបានធ្លាក់ទៅចំណាត់ថ្នាក់ដ៏អាក្រក់បំផុតរបស់ពួកគេក្នុងតារាងលីគដែលមិនធ្លាប់មានក្នុងរយៈពេល ៥១ឆ្នាំ។ ក្លឹប United បានស្ថិតនៅក្នុងលំដាប់ថ្នាក់ទី១២ នៅក្នុងលីគ មុនពេលពួកគេប្រកួតចាញ់ក្រុម Tottenham ១-០កាលពីថ្ងៃអាទិត្យ។
បន្ទាប់ពីការប្រកួត Amorim បានប្រាប់ BBC Match of the Day ថា៖ «ខ្ញុំមិនបារម្ភទេ។ ខ្ញុំយល់ពីអ្នកគាំទ្ររបស់យើង អ្វីដែលប្រព័ន្ធផ្សព្វផ្សាយគិតអំពីវា ខ្ញុំស្អប់ការចាញ់ អារម្មណ៍នោះអាក្រក់បំផុត។ ក្រៅពីនេះខ្ញុំមិនបានគិតទេ។ ខ្ញុំនៅទីនេះដើម្បីជួយកីឡាកររបស់ខ្ញុំ។ ខ្ញុំយល់ពីស្ថានភាពរបស់ខ្ញុំ ការងាររបស់ខ្ញុំ ខ្ញុំជឿជាក់លើការងាររបស់ខ្ញុំ ហើយខ្ញុំគ្រាន់តែចង់ឈ្នះការប្រកួត។ ទីតាំងដែលយើងស្ថិតនៅ គឺជាការព្រួយបារម្ភរបស់ខ្ញុំ ខ្ញុំមិនដែលបារម្ភអំពីខ្លួនឯងនោះទេ»៕
