យោងតាមការចេញផ្សាយរបស់ SerieANews បានឱ្យដឹងថាក្លឹប Bournemouth បានដាក់គោលដៅលើអ្នកចាំទី Mile Svilar របស់ក្រុម AS Roma ខណៈដែលពួកគេសម្លឹងរកការពង្រឹងក្រុមរបស់ខ្លួន។ អ្នករក្សាសំណាញ់ទីវ័យ ២៥ឆ្នាំមានកិច្ចសន្យាជាមួយក្រុម Serie A រហូតដល់ឆ្នាំ២០២៧ ប៉ុន្តែការពិភាក្សាទៅលើការបន្តកុងត្រាថ្មីមិនទាន់ទទួលបានកិច្ចព្រមព្រៀងនៅឡើយទេ។
ភាពមិនច្បាស់លាស់ជុំវិញអនាគតរបស់ Svilar ត្រូវបានកត់សម្គាល់ ខណៈក្លឹប Bayern Munich ក៏បានកំពុងតាមដានគាត់ផងដែរ។ ទោះជាយ៉ាងណាក៏ដោយ Svilar មិនប្រញាប់ប្រញាល់ធ្វើការសម្រេចចិត្តទាក់ទងនឹងការផ្ទេរបន្ទាប់របស់គាត់នោះទេ។
វាត្រូវបានជឿជាក់ថា ប្រសិនជាមានការផ្តល់ជូនដ៏ធំមួយពីក្លឹប Bournemouth ឬ Bayern Munich អ្នកចាំទីអាចនឹងត្រូវបានល្បួងឱ្យចាកចេញពីប្រទេសអ៊ីតាលី ដើម្បីស្វែងរកការប្រកួតប្រជែងថ្មី៕
