ប្រធានក្លឹប Paris Saint-Germain លោក Nasser Al-Khelaifi បញ្ជាក់ថា ពួកគេមិនមានគម្រោងផ្ទេរយកតារាឆ្នើមរបស់ក្លឹប Liverpool កីឡាករ Mohamed Salah នៅរដូវក្តៅក្រោយនោះទេ។
ថ្លែងទៅកាន់ Sky Sports លោក Al-Khelaifi បាននិយាយថា៖ «វាមិនពិតទេ គាត់ជាកីឡាករដ៏ពិសេស និងអស្ចារ្យ ប៉ុន្តែយើងមិនដែលពិចារណាលើការផ្ទេរគាត់នោះទេ និយាយដោយស្មោះត្រង់។ យើងដឹងថាក្លឹបទាំងអស់ចង់បានគាត់ ប៉ុន្តែពាក្យចចាមអារ៉ាមអំពីពួកយើងគឺ មិនមែនជាការពិតនោះទេ។ ប្រសិនបើមានឱកាស យើងនឹងស្វែងយល់»៕
