យោងតាមការចេញផ្សាយរបស់ AS បានអោយដឹងថាខ្សែបម្រើក្រុមតោខៀវ Chelsea កីឡាករ Enzo Fernández មិនមានចេតនាចាកចេញពីកីឡដ្ឋាន Stamford Bridge ទេ បើទោះបីជាមានព័ត៌មានថ្មីៗនេះបានផ្សារភ្ជាប់គាត់ក្នុងការផ្ទេរទៅកាន់ក្លឹប Atletico Madrid។
ការរំពឹងទុកអំពីការផ្ទេរដ៏មានសក្តានុពលទៅកាន់ប្រទេសអេស្ប៉ាញត្រូវបានច្រានចោល ដោយមានប្រភពបញ្ជាក់ថាក្លឹប Atletico Madrid មិនបានទាក់ទងមកកាន់ភ្នាក់ងាររបស់កីឡាករ Fernández នោះទេ។
តារាឆ្នើមសញ្ជាតិអាហ្សង់ទីនរូបនេះ ត្រូវបានគេរាយការណ៍ថាផ្តោតលើក្លឹបបច្ចុប្បន្នរបស់គាត់ ហើយបានប្តេជ្ញាថានឹងជួយ Chelsea ប្រកួតប្រជែងដណ្តើមពានរង្វាន់ធំៗនៅរដូវកាលនេះ៕
